Shiga masa景颇新闻

Anhte mungdo ni mati sha na wa na sadi maja lam jep tek ma ai

州人大常委会督查畜禽养殖场粪污治理情况

时间:2019-07-09 15:56:31 来源:德宏团结报

  Mungdo asuya lusha wunli dap, mungdo tsi mawan sanseng dap, mungdo gatya jep gon dap ni jep tek hpung zaphpo la nna, ndai lapran hta mungdo ting na ginwang(Myu) 5 hta mati sha na wa na htang maja lam hte mati sha na nna machyi amyu amyu byin wa na htang maja jep tek lam galo ma ai.

  Ndai lang na jep shadut hta ngau rai tam hti, shara ko nan du sa nna jep yu, myit lu lam tsun shapro re ladat hku nna galo sa wa ma ai, ginwang myu shagu na lusha wunli dap hta sa du nhtom, ginwang myu tsi rung 5, ginwangdo gat mare asuya 10, shat seng 10, simai gat 12, jong 10, ginwangdo gat mare tsirung 5, mare salang rapdo 10, hkaimu htinggo 10 hta sa jep lai wa masai.

  Jep yu, ngau rai hti yu, tsun shana ai madat la re hte shawa masha ni ko san la ai hpang, jep tek hpung ni ginwang(Myu)pati rapdo, asuya ni mati sha na wa na lam hte mati sha nna machyi amyu myu byin wa ai lam htang maja ai mu hpe grai maju jung hkra woi galo lu ai hpe shagrau shateng ya ai hta n-ga, ginwang(Myu)shagu ni lusha wunli lam hko ndau ai hpe ginjang shatai nna, gat lok, gahtong nhton, jong wang, shawa dabang re hkan, datnu shingwang, wuisin, dat sumla hkrung re ni hte madung nna, seng ang hpaji sharin hpong, ndau laika shakap shabra re masa hku seng ang hpaji ni shabra shachyam hkrat wa ai nga yang, yi-ngam mu lu sai.

  Jep yu ai shaloi mu hkrup ai manghkang hte ningra lam ni hta hkan nna, jep tek hpung ni lajin dat ai, hko shabra ai lam dam lada ra nna, mati sha yang sadi ra ai htang maja hpaji ni jong wang, gat ya, shat seng, hkaimu gahtong, kun dinghku, bungli galo shara hkan sa shabra du ra ai, mati sha na yang sadi ra ai lam hte hkye hkrang la na ladat ni, shawa masha ni chye na hkra tsun shadan dan na, shawa masha yong ngui pyo hkamja na matu, gat lok akyu htam shara, ginwang do gat mare tsi rung, ninghton tsi gok re hkan hko shabra lam galo nna, jong shat gok, rung dap shat gok, manam dap shat gok, hkungran poi, si poi re hta mati tsep kop n woi sha na.