Shiga masa景颇新闻

Tonwu poi laman hta mungdo ting na buhkom hpaga gaja nga ai

端午假日全州旅游市场运行平稳

时间:2019-06-18 09:47:55

Tonwu poi laman hta, mungdo ting ko buhkom masha sen 2.98 lang hkap tau la nna, maning na bung ai aten hte shadon yang 7.07% grit yom sai. Buhkom hpaga mu hta lu la ai gumhpro go gadi 2.6 lu la nna, maning na bung ai aten hte shadon yang 5.53% grit yom sai. Dai ko, tsang 4A bu hkom shara Mungbanasi yu chyai wang hta hkap tau la ai bu hkom manam go mun 1.03 lang du nna, maning na bung ai aten hte shadon yang 19.93% lo jat sai. Molik bu hkom shara hta hkap tau la ai bu hkom manam go mun 0.21 lang du nna, maning na bung ai aten hte shadon yang 78.4% lo jat sai. Nanden sam du htingnu hta hkap tau la ai bu hkom manam go 110 lang du nna, maning na bung ai aten hte shadon yang 115% lo jat sai. Nbungli jon nna du sa ai buhkom manam go maning na bung ai aten hte shadon yang 7.19% lo jat sai, madu hkrai modo got nna bu hkom ai masha go maning na bung ai aten na hte shadon yang 20.54% lo jat sai. Buhkom masha ni hta madu hkrai modo got nna buhkom ai grau lo nga ai, Mangshi ko nna Shuili du ai hte Nshon ko nna Yinkyang du ai lam hku lai ai buhkom masha ni grau lo nga ai. Tonwu poi laman hta, madu hkrai modo got nna bu hkom ai masha ni grau lo wa sai hte maren, yu chyai hpa, pyo chyai hpa shara hkan bu hkom masha ni grai sa du ma ai, nam hkan sa pyo hkom chyai, nampu nampan yo chyai, sa di la, hkaimu gahtong hkan shat sa sha re hpe buhkom masha ni grau sharong nga ma ai. Yinkyang ginwang lawu Munghpye gahtong, Lungmun manam dap, Shang-erhu hka nong, hkahtung dingsa Hula re gahtong buga bu hkom shara ni hta bu hkom masha ni grai sa kam nga ma ai. Mangshi ga na Munghon ja gongngu, Mungbanasi yu chyai wang, utong bum maling yu chyai wang, Heho lauhpo gadong, Senfudung bu hkom shara re buhkom shara hkan go buhkom masha grau sa nga ma ai. Tonwu poi laman hta, mungdo ting na buhkom shara hkan mu manghkang pru nna bu hkom masha ni tara shok ai lam n nga ai hte maren, buhkom hpaga mu dingyang ru ru rai galo sa wa lu sai.