Shiga masa景颇新闻

Mangshi hka ko Nga nli mun 3 jan sa dat bang sai

3 万多尾鱼苗投放芒市大河

时间:2019-06-11 17:39:56 来源:德宏团结报

  Shata 6 pro 6 ya shani go, mungdan ting na“Nga dat nhtoi”re, mungdo hkaimu magam hkaimu gahtong gonhkang dap ni go, 2019 ning na hka gata tu hkrung rai makop maga hkrat wa na matu, Mangshi hka ko Nga nli mun 3 jan sa dat bang ma ai. Ndai lahkong masum ning laman hta, anhte mungdo ni hka gata tu hkrung rai makop maga hkrat wa ai lam hta akyu nsi mu mada sai, mungdo gata na hka shi hka nu hka nong hkan Nga nli amyu myu yong hpon wan 3 jan dat bang lai wa sai. Dai hte rau, hkaimu magam hkaimu gahtong gonhkang dap ni hte seng ang tara rung ni ponghpom nna, tara tot lai ai Nga htut sha, Nga gaba sha re mara bungli aja awa gasat manga lai wa sai. Pro 6 ya jahpot, mungdo hkaimu magam hkaimu gahtong gonhkang dap ni go mungdo Nga nli dap na Nga nli mun 3 jan wa la nna, Mangshi hka de sa dat bang ai majo, hka gata na tu hkrung rai lo htam jat wa, htingwan makop maga re lam akyu jashon lu sai. Mungdo hkaimu magam hkaimu gahtong gonhkang dap, mungdo hka magam hpaji htu satsong dap, mungdo Nga nli dap, mungdo myinyi sakse hkam dap, Mangshi hka magam hpaji htu satsong dap, Mangshi Funghpyin Kongmu ninghton re hkan na magam gun masha ni hte shawa masha ni Nga dat ai shamu shamot lamang ko sa du lom ma ai.