Shiga masa景颇新闻

Ruyak matsan shatong mu hpe kan ka ai hku galo sa wa ra ai

​发扬“钉钉子”精神 坚决打赢脱贫攻坚战

时间:2019-06-11 17:33:33 来源:德宏团结报

  Madu dap shiga Shata 6 pro 5 ya shani, mungdo pati rapdo mu madu ningtau, mungdo up Wui Kang Mangshi myu Sanhtaishan ginwangdo, Wucha lu ginwang do, Kyang tung ginwangdo ko sa du nna, ruyak matsan shatong mu sa dinglik madun shadut nna, Mangshi ga na ruyak matsan shatong mu hta na“Yi-nam lado mu”galo sa wa ai lam hte ruyak matsan shatong mu galo sa wa ai ko na“Lu na sha na hpa n myit tsang, sharin shapan, tsi mawan, dum nta ama hkam”bungli galo sa wa ai lam ni jep yu u ai. Mungdo hte Mangshi myu na seng ang ningbo ningla ni hkan dinglik nang ma ai. Wui Kang ni go Sanhtaishan ginwangdo Pangwai ninghton Kungbye gahtong, Wuchalu ginwangdo Wuchalu ninghton Ya-fuilung gung mani, Lengzikai ninghton, Kyangtung ginwangdo Ta-shuiku ninghton, Kyangtung lai gasha shabrat shara ni hta sa du nna, ruyak matsan htinggo hte ruyak matsan bochyop ro kau sai masha ni a nta hkan shang san yu hkom nhtom, gingwang do gat mare shagu hta hpaga mu galo, ganbu ni ruyak matsan dinghku ni hte bungli matut galo, lawu tsang gogap re lam ni hpe azin ayang rai san la,lawu tsang ganbu shawa masha ni a myit lu lam hpyi shon lam madat mara la, ruyak matsan shatong mu galo ai hta manghkang pru ra ai shara tam shapro, manghkang hparan ladat jom dinglik shapro rai sai. Wui Kang madun shapro ai, ruyak matsan shatong mu go bungli gaba re, Mangshi myu tsang shagu rungdap shagu ni ruyak matsan shatong ra ai masa ko hkan nna, ruyak matsan shatong mu hpe kan kan ka ka rai ongdang hkra galo sa wa ra ai. Wui Kang bungjat tsun ai, matsan bochyop sha lu ro kau ai hpe sut su sai n mai ngu ai, gaja wa nan sut su nga mai ai she ahkyak bandung re, dai majo, tsang shagu rung dap shagu hkaimu masha ni hpe lam magup hta atsom woi galo sa wa nna sut su wa shangun ra ai. Wui Kang lajin dat ai, ruyak matsan shatong mu go ngut kre wa de rai sai majo, tsang shagu na pati rapdo, asuya hte lo htam ai ganbu ni“Yi-nam lado mu”hpe matsan dinghku n nga hkra aja awa galo shakut sa wa ra ai.