Shiga masa景颇新闻

2019 Ning hkunmin hpalap madun hpong hta Sakhkung nam hpalap hpun gaba hpalap mying pru sai

德宏古茶亮相 2019 昆明茶博会

时间:2019-05-13 10:34:38 来源:德宏团结报

  Shata 4 nhtoi 29 ya shani go aten 4 ya tup galo ai Hkunmin hpalap dam madun ai zuphpong ngut sai. Sakhkung nam hpalap hpun gaba hpalap hpaga dap ni go, namchyim mu la ai, ningsam tsom dik ai nam hpalap hpun gaba hpalap la sa nna wa madun nga ma ai, hkrak dik ai nam hpalap gaja, lu yang mu la ai namchyim ni go madun poi shawa masha a amyit shingni hpe gang gahkyin la lu nga sai. Sakhkung ni a namchyim namta bat go Hpure hpalap hpe woi ningshong ai“Dazik ningnan” shapro la lu sai. Ndai lang na hpalap madun ten hta, Sakhkung nam hpa lap hpun gaba hpalap amying ningshong lu shapro dat, shingrai, Sakhkung Mangshi Jungshan kon jai (Du gahtong) na latsa ning du tu sai hpalap hpun hkohkam hpe shachyan dan dat lu sai. Shani shagu na aten, jahpot hkying 10:30 hte shana de hkying 3: 00 ram hta go Sakhkung ni a hpalap madun shara ko masha grau gabom lo chyat ai ten rai sai, hpalap sharong ai masha ni aten hkrak ko sa du nna nang shong ngai shong nga nna Sakhkung hpalap sa lu hkam maram jong nga nga rai ma ai. Du gahtong latsa ning hpalap hpun hkohkam hta lai, Sakhkung nam hpalap hpaga dap ni go, Sinpro nam hpalap hpun gaba hpalap amyu myu mung no sa madun nga ma ai. Sakhkung nam hapalap hpun gaba hpalap hpaga dap ni, abum alang chya, bum ga nam maling de nam hpalap hpun gaba hpalap hkan sagon maram la rai nna, Sinpro htoi gala, Sinpro lagyi ge shingni, Sinpro tu san ngu ai hpalap amying masum hpe shawa ni hpang shachyan ya sai. sa sa wa wa gahkrang ai hpalap namchyim maram masam hpaji masha ni hkru hkru sa lu maram nna Sinpro hpalap amyu shagu hpe gingdan ai shakon nali jo shajang masai. Bo ting kara hpro mat sai dinggai langai go: “Sinpro danhkung go ngai nye prat hta hpalap namchyim grau hkrak ai lu shapro lu sai”nga nna myit kro gata nsen tsun shapro dan u ai.