Shiga masa景颇新闻

Aanhte mungdo ni ningdo 11 lang mungdan amyu ginsup shingjong poi hta zat wa ka dan na hku hkyem nga ai

我州将参加第十一届全国民运会表演项目比赛

时间:2019-05-13 10:09:21 来源:德宏团结报

  Mungdo gaba ninghtan hpung mu htam gok ni laksan ninghkring ni hpe lata shapro shangun ai, anhte mungdo ni a《Ruyak matsan shatong hkauna nga ong sai》ngu ai zat go, ningdo 11 lang mungdan nlo amyu hkringhtong ginsup shingjong poi na zat pya shingjong ai ko wa lom na hku rai sai. Chye lu yang, mungdan amyu rapdo hte mungdan ginsup gon dap ni madung galo, Honan mungdo gaba asuya ni lit hkam galo ai ningdo 11 lang mungdan amyu ginsup shingjong poi go 2019 ning shata 9 pro 8 ya shani ko nna nhtoi 16 ya shani du hkra Jinchyu myu ko galo na hku rai nga ai, anhte mungdo gaba ni ginsup myu 17 hte zat 10 wa shingjong pya lom na hku rai nga ai. Mungdan amyu ginsup shingjong poi go anhte mungdan hta madang tso dik ai shingwang gaba dik ai amyu ginsup shingjong poi gaba hte amyu myit hkrum ai poi gaba rai nga ai, ningdo 11 lang mungdan amyu ginsup shingjong poi wa lom yang, anhte mungdo gaba ni amyu myit hkrum gasi dan shara galo hkrat wa, hkamja Miwa mung hte Yinan “Hkamja nga pra shara”go maden hkrat wa na matu lachyum gaba rong nga ai. 《Ruyak matsan shatong hkauna nga ong sai》go mungdo gaba ningdo 11 lang amyu ginsup shingjong poi a matu pya shingjong ai hta nambat lahkong lu sai. Zat ndai go, Sam amyu hkaimu masha ni hkauna ko nga rem sha ai lam hpe pya madun ai rai nga ai, mam hkai shingjong, nga rim shingjong re hku nna Sam amyu hkaimu masha ni a nga sat nga sa lam hpe pya madun dan, ru yak matsan shatong mu galo hkrat wa nna, hkaimu gahtong laklai mat wa, shawa masha ni mu bungli galo shakut nna sut su nga mai mat wa ai lam ni hpe shadan madun ai rai nga ai.