Shiga masa景颇新闻

Anhte mungdo pati gasa hpung ni Sibehpo ko pati tara wa sharin la ma ai

我州党代表赴西柏坡开展党性教育培训

时间:2019-05-13 09:54:50 来源:德宏团结报

  Shata 5 pro 6 ya shani ko nna pro 10 ya laman hta, anhte mungdo na pati gasa hpung ni go Hobe mungdo gaba Sibehpo ko pati tara sharin hpong wa lom ma ai. Ndai lang na sharin shapan hta wa lom ai pati gasa hpung ni go marai 29 rai ma ai, dai ko pati a nambat 19 lang mungchying sha gasa zuphpong gaba gasa marai 1, mungdo gaba nambat 10 lang pati gasa zuphpong gaba gasa marai 3, mungdo nambat 7 lang pati gasa zuphpong gaba gasa marai 25 rai nga ma ai. Ndai go anhte mungdo pati gasa hpung ni nambat langai lang kaga mungdo gaba de pati tara sharin hpong wa lom ai re. Sibehpo go pati a ginjo hte Miwa mung mungchying sha gaifanggyin hpyen daju nga yu ai shara rai nga ai, Miwa mung ting hpe shanglot shalu ai jahtum lang na hkaimu gahtong kaman dap re, tingnyang up Mau Zhe Tung hte pati ginjo ni Bekyin de shang mat wa ai shara npot mung re, Miwa mung suthpom pati ningdo 7 ginjo salang rapdo nambat 2 lang hkumra zuphpong hpe ndai ko hpong ai re. Sharin shapan ai hta, nsen rim madat, dat sumla hkrung hpo yu, sara ni sa sharin matsun re ladat hku nna sharin shapan dat sai. Ndai lang na Sibehpo sharin shapan ai hta, pati gasa hpung ni go pati tara atsom sharin matsing gun nna, madu a magam bungli galo hkrat wa ai hta pati tara tik tik hkan sa wa na myit da ting la lu masai.