Shiga masa景颇新闻

Kunghpan maka hte manau buga hpe sharing 一一Nshon ginwang kunghpan maka hte ruyak matsan shatong mu galo ai lam

文化扶贫浸润目瑙纵歌之乡

时间:2019-01-08 16:50:35 来源:德宏团结报

  Lahkong masum ning rai wa yang,Nshon ginwang ni go gahtong buga kung hpan maka go maden hkrat wa nna ru yak matsan shatong mu htu sit hkrat wa nga ai.

  “Hpaji lu la ai” hkaimu gahtong laika gok

  Janghkong gat mare Desa ninghton La-pyin lok masum na laika gok go gaba de mida 10 sha re rai tim, laika hkum ai re nga yang, galang lang go laika su yu ai gahtong masha 10 jan jan du shajang nga ai.

  La-pyin lok masum ni a laika gok go 2009 ning hta galo la ai re, laika buk 600 jan du nna, amyu lo nga ai. Laika ko lai nna, shingwang matut ai datnu mung 5 nga nga ai.

  Si Bun Hkon go wa 45 yo ai, La-pyin lok 3 na wa rem lo dik ai masha re. 2018 ning hta wa machyi ai majo, laika gok na wa tsi laika sa yu nna, wa lu tsi la nu ai.

  Laika gok hta, gaba ai ni laika sa yu, ma ni go datnu gasup, laika gayat re hte rau, ramma 10 ni modo got lakmat la na matu, datnu ko san poi lu san la masai.

  Ndai go Nshon ginwang ni asuya a ru yak matsan shatong tara hkan nna galo sa wa ai hkaimu gahtong laika gok rai nga ai. 2018 ning shata 1 du yang, Nshon ginwang ni ning re laika gok 89 lu galo ton sai. Hkaimu gahtong laika gok galo shachyam hkrat wa na matu, Nshon ginwang ni go gumhpro jahkrup la nna, gumhpro lap sen 1.78 hte myu magup re laika buk 7000 bai mari jat ya sai.

  Shayi num shangui shapyo madum hpung

  Ndai lahkong masum ning rai wa yang, Nshon ginwang ni go shawa masha kung hpan maka sharot hkrat wa ai hta n-gun grai dat nga ai.

  Jinghpo shayi num shangui shapyo madum hpung go 2012 ninghta galo la ai re, masha go marai 16 du nga ai, dai ko marai 7 go ruyak matsan jahpan hta shang lom ai ni rai nga ai.

  Jinghpo shayi num shangui shapyo madum hpung ni go laning mi hta jahpu la ai shangui shapyo mu sumshi mali shi lang galo nga ma ai, shing rai nna ja gumhpro lu tam la nga ai.