Shiga masa景颇新闻

Anhte mungdo“Wunli hte tsi lang masat shata”hko shabra lamang galo hpang sai

我州启动“安全用药月”安全活动

时间:2018-11-08 17:03:30 来源:德宏团结报

  Madu dap shiga Sakhkung mungdo hte Mangshi ginra 2018 ning na“Wunli hte tsi lang masat shata”galo hpang lamang go shata 11 pro 2 ya shani Mangshi Senkang ginwangdo ko galo dat sai.

  Mungdo pati rapdo dinggrin salang, mungdo up ningtau Jang Hui go galo hpang masat hpong hta wunli hte tsi lang ai a ahkyak lam ni tsun u ai, shi bungjat tsun ai, mungdo ting na atsang shagu rungdap shagu ni ndai lang na lamang hte gapyon nna,“Wunli lu ai hte tsi lang sa wa n htom, hkam ja lam jom hkam sha”nga ai madung lachyum hpe magra gaja rai nna, mungdo ting na shawa masha ni wunli lu ai hte tsi lang lu na ama hkam ya, maga shagu hku nna, ladat amyu myu hte htap htuk wunli lu ai hku tsi lang hpaji ningnan hko shabra hkrat wa na. Atsang shagu na jep gon rungdap ni mung tara hkan nna alit galo shatup sa wa, tsi hpaga dap ni hpe mung“Sha- tang madang du ai tsi sha dut shangun na,” bai nna lohtam ai shawa masha ni hpe mung wunli lu ai hte tsi lang na myit jasat ni sharin ya rai na. Laksan hpaji masha ni hku nna sengang tsi lang hpaji ni sa sharin ya shangun, logadat hpaji hku nna htaphtuk ai hku tsi lang sa wa rai na. Asuya rungdap ni mung npot nhpang magra shangang nna, htung tara hta ama hkam ya nna, wunli hte tsi lang na hta jep shaja sa wa ra na.

  Masat hpong galo ai shani Senkang gat shani wa ang ai majo, masha mung lo, hko shabra laika ngau rai 8000 jan htuk shabra ai hpe mung gat sa nga ai shawa masha 2000 jan ni e sa madat la sa yu la lu masai.

  Mungdo tsi mawan jep gon dap na lit gun masha tsun shachyen ai, anhte mungdo ni “Wunli lu ai hte tsi lang nna yong hkam gaja wa”nga ai lam shada jom hkam la hkat, wunli hte tsi lang na dung jahta hpong, wunli hte tsi lang ai lam jongwang de shang re lamang ni mung no galo sa wa na re nga u ai.