Shiga masa景颇新闻

Si Gyin Hpyin ningdo langai lang Miwa mung maigan de nna jashon la ai mungkan gat rai Pya madun poi masat hta sa lom nna ahkyak madung mungga hko tsun sai

习近平出席首届中国国际进口博览会开幕式并发表主旨演讲

时间:2018-11-08 16:56:30 来源:德宏团结报

  Sinhua she shata 11 pro 5 ya shaiga Ningdo langai lang Miwa mung maigan de nna jashon la ai Mungkan gatrai pya madun poi go pro 5 ya shani Shanghai ko hpo galo dat sai. Mungdan tingnyang up Si Gyin Hpyin go poi hpo masat hta sa du lom nna 《Ningnan ai yong lom lu ai hpo malang ai mungkan hpaga yumga jom galo》 ngu ai ahkyak lachyum mungga sa hko tsun sai, shi bungjat tsun ai, labau hpe n htang sumru dat yu yang, hpaga lam hpo pong galo ai go mungkan hpaga yumga lam jasu la na a- hkyak n-gun re. Daini na masa hta yu yang, hpaga lam hpo pong galo ai go mungkan hpaga yumga ngnagngang kangkang rai nna galo la mat wa na npot nhpang re. Htom hpang de matu yu yang, hpaga lam hpo pong galo ai go shinggyim masha hpong shingra ding yang rot galu gaba mat wa na ahkyak lam rai nga ai. Mungdan shagu ni ko nna hpaga lam hpo pong galo lam hpe a- tsom htu sit hkrat wa ai hte rau, jom sharot zinghka nna, shinggyim masha ni ngui pyo sut su ai bungli galo hkrat wa ra ai. Miwa mung ni go madang grau tso ai hpaga lam htu sit hkrat wa ai sat n chye hkring mat ai, hpo malang ai mungkan hpaga yumga lam htu sit ai sat n chye hkring mat ai, shinggyim masha ni a jom galo mu htu sit hkrat wa ai sat n chye hkring mat ai.

  Shanghai mungdan pya madun shara hta poi hpo masat madung shatai da nga ai, mungdan shagu de nna du sa wa ai manam ni yong sa zup nga masai. Jahpot hkying 9 manit 45 hta, Si Gyin Hpyin go Gyehke mung gumsan magam Ze Man, Dominigan mung gumsan magam Mui Di Na, Sawado mung gumsan magam Sang Hkye Si, Hkinniya mung gumsan magam Hkin Ya Hta, Lihtauwan mung gumsan magam GeliPausi Hkaihte, Hkelodiya mung gumsan magam HpulenhkoWuihkyi, Ijit mung hkringmang daju MadeBuli, Gelugyiya mung hkringmang daju BaheHtaze,Hanggari mung hkringmang daju U Er Pan, Lau mung hkringmang daju Htung Lun, Malahta mung hkringmang daju MusiHkahte, Bagyisahtan mung hkringmang jadu Yimulan·Han, Olosi mung hkringmang daju MuidewuiGyefu, Wetnam mung hkringmang daju Ron Chun Fu, Inglik mung Yohke du magam An De lu hkohkam shadang sha, mungkan ja gumhpro gahkyin hpungchyom ningbo gaba La Kya De, mungkan gumhpro dum ningbo gaba Kyin Yung, mungkan hpaga yumga hpungchyom ningbo gaba AzeWuito re maigan de na ningbo ningla ni hte galang ta zuphpong shara de shang wa sai.

  Lahpok nsen hta, Si Gyin Hpyin go a- hkyak lachyum mungga hko tsun sai. Si Gyin Hpyin madun shapro ai, Miwa mung maigan de nna jashon la ai mungkan gat rai pya madun ai go Mi moi ko nna ya daini du yang nambat langai lang ngu na maigan de na jashon la ai gat rai ni hpe madung shatai ai mungdan tsang pya madun poi re, shing rai nna, mungkan hpaga yumga sharot zing hka mat ai wa ai labau ko na bungli gaba langai rai nga ai. Ndai go Miwa mung ni mungdan lo lo ni hte hpaga yumga jom galo htung hpe shadan dan, madu ra sharong ai hpaga yumga lam htu sat hkrat wa ai galo ladat rai nga ai, ndai go Miwa mung ni hpo malang ai mungkan hpaga yumga mu htu sit hkrat wa, mungkan ting hta hpaga yumga jom galo mat wa ai lam hpe madi shado hkrat wa ai lam rai nga ai.

  Si Gyin Hpyin bungjat tsun ai, ndai prat hta mungkan hta sharot zinghka gram galai gram sharai ai lam nga nga ai. Mungkan hpaga jom galo mat wa na go htingnut n mai ai bungli rai nga ai. Mungkan ting na hpaga yumga lam lai shai mat wa ai masa hta hkan nna, mungdan shagu ni go myit n-gun sharot la nna, kyet shop ai hte hpaga lam hpo pong galo lam htu sit dat nna, jom sharot zinghka lam shabyin hkrat wa ra ai.Ningdo langai lang Miwa mung mai- gan de nna jashon la ai mungkan gatrai pya madun poi go shata 11 pro 5 ya shani ko nna pro 10 ya laman hta galo hkrat wa na hkru re. Mungdan hte ginra lo malo hkan na ningbo masha, mungkan hpungchyom lit hkam masha, mungdan shagu asuya gasa hte Miwa mung hte maigan mung sutgan magam dap ninghkring gasa re masha 1500 jan ni poi hpo masat hta sa lom ma ai.