Shiga masa景颇新闻

Joban ko yu nna U ana yu hpaga la na

从鸡冠头看出鸡瘟

时间:2018-09-17 16:59:14 来源:德宏团结报

  1.U joban mang chyang mat shing nrai loi sinsin rai hkye ai nsam dan pru wa jang, mayu na hku rai yang U song hkun ana, pu shakrui ana re gan hkron kap ana byin nga ai re hpe yu shapro lu nga ai.

  2.U joban loi mang mang re nsam mu jang, U sin ja ana, sade ana machyi shing nrai nang hpa rai sha hkrup ai nhten rai sai.

  3.U joban sai n rong hpro hpro rai mat ai shaloi go lenhkyugyin (链球菌) ngu ai ana kap, Wuisinsu A ra gadon, hkum de wa ai namta nlo re ana shing nrai lanyan hkron kap ana ahkya machyi re nhten rai na re.

  4. U joban hta mut mut re ahpyi shong go mat ai hpang, lasi hkyep daram gaba ai lapau kra wa ai go U nampan pan wa ai ana rai na re.

  5. U joban hta htoi htoi rai akong wa ai go, U nbram mata ai re.

  6. U joban hta chyang chyang rai lam mi hkro kap mat nna, dai hkro kap mat ai hpyi lam mi go mat jang ahpro re shan lam mi kra pru ai go, hpuhtau hkyu gyin (葡萄球菌) ana kap ai rai sai,

  7. U joban hta tsit tsit rai bong wa jang go wuisinsu B1 gata ai rai na re.

  8. U joban hta sai n rong ai zon hpro hpro rai mat ai hta n-ga, bai kyip mat wa ai go U pu shakrui tu ana machyi ai rai na re.

  9. U joban mang mang rai mat ai hta n-ga, bai kyip mat wa ai go hkron kap chye ai manyen sap sanap hpye ana machyi ai rai na re.

  10. U joban mala la bum mat ai go hkron kap chye ai U ladi hpye ana rai na re.