Shiga masa景颇新闻

Mangshi myu ni “Nmut lado jong lung garum jo gumhpro” hte jongma marai 164 ni hpe garum la sai

芒市41.9万“金秋助学金”资助164名学生

时间:2018-09-11 15:59:02 来源:德宏团结报

  Shata 9 pro 4 ya shana de, Mangshi jakmu masha rapdo ni 2018 ning “Nmut lado jong lung garum jo gumhpro”gam ya masat galo dat sai. Mangshi jakmu masha rapdo ni daining “Nmut lado jong lung garum jo gumhpro”sen 4.19 gahkyin la nna, dinghku yakhkak ai mu htam masha, hkaimu masha ni a gashu gasha ni hpe jong lung ai lam hta garum la mat wa sai. Dai ko: Dakkasu jong gaba jongma marai 98, laksan dakkasu jong ma marai 22, dak kasu jong lung nga ai jongma marai 39, lahta tsang jong lung ai jongma marai 5 lom nga ai.

  Jong lung gumhpro garum jo masat hta, gumhpro garum jo hkrum ai jongma Lui Mu Ban go, pati hte asuya, jakmu masha rapdo ni shanhte hpe gumhpro garum jo nna jong lung la shangun ai hpe chyeju grai dum ai, kang kang ka ka rai nna jong lung la na ga ai nga nna tsun sai.

  Htingwan jasan masha Si Rung Pau go, shi gasha daining amat 663 hte Shanghai htungzi dakkasu jong ong ai rai yang, jong lung gumhpro n lu nna, myit yak to nga yang, Mangshi jakmu masha rapdo ko nna jong lung gumhpro garum jo ai hpe mana maka chyeju dum mat nu ai.

  Chye lu yang, Mangshi jakmu masha rapdo ni go 2004 ning ko nna “Nmut lado jong lung garum jo gumhpro” jo mu galo hkrat wa ai ko nna rai wa yang, gumhpro lap wan mi jan lu gahkyin la mat wa sai hte maren, yakhkak mu htam masha, hkaimu masha ni a gashu gasha marai 797 ni hpe jong lung gumhpro manghkang lu hparan kau ya sai. “Nmut lado jong lung garum jo gumhpro”jo mu galo hkrat wa ai go mu htam shawa masha ni hpe garum shingtau la ai mu gaja langai rai nna, nambat 19 lang mungdan gasa zuphpong gaba lachyum hkan shatup hkrat wa, ru yak matsan mu galo shatup hkrat wa, yak hkak dinghku ni a maru mayak lam hparan kau ya ai ladat rai nga ai, Mangshi jakmu masha rapdo ni ruyak matsan shatong mu galo hkrat wa ai bungli hta, yakhkak mu htam masha ni a matu galo hkrat wa ai bungli gaja rai nga ai.