Shiga masa景颇新闻

《Shingni su ai Miwa mung myu mare》 Sakhkung shingjong hpung ni nambat 2 lang na sumla hkrung dem ngut sai

《魅力中国城》德宏战队完成第二轮录制 9月30日央视财经频道播出

时间:2018-09-11 15:53:56 来源:德宏团结报

  Shata 9 pro 7 ya shani, ginjo dat sumla hkrung dap ni woi galo ai 《Shingni su ai Miwa mung myu mare》 ningdo lahkong nambat lahkong lang Sakhkung mungdo ni hte Jau hkyin myu ni madu ginra na ningsam shadan shaleng hkat ai shingjong lamang dem ngut sai, poram dai shata 9 nhtoi 30 ya shani ginjo sut masa shabra dat sumla hkrung(CCTV-2) ko shapoi dan na hku re.

  Shadan shaleng pya madun shingjong ai ko, “Buhkom hkrun lam”, “Tsomhtap ai myu mare”, “Myu mare maumui” re ni hkai tsun nna shingjong hkat ma ai. “Buhkom hkrun lam” hkai tsun ai shaloi, Sakhkung mungdo up Wui Kang go Ja gongngu gaba, Shuili hka, Yinkyang ginwang mungdan tsang manan ginra, Shuili myu re masum ya laman buhkom na shara tsun shachyan dan u ai. Jauhkyin myu ni mung shanhte madu ginra na buhkom shara tsun shachyan dan ma ai. “Tsomhtap ai myu mare” tsun du ai shaloi, Sakhkung mungdo ni go “Nhtu” hpe madung tsun shachyan dan let, madu ginra na kunghpan hpaji, nhtong sut, amyu bosang shagu ni a hpaji amyu myu mung pya madun dan sai. Jauhkyin myu ni go Hkanghkyi ginsup pya madun dan ma ai. “Myu mare maumui” shadan shaleng ai shaloi Sakhkung mungdo ni Janpan majan hta dingda panglai jak mu masha ni shakut shaja lai wa ai maumui pya madun dan sai.

  Mungdo pati asuya ningbo Rin Yen Chyin, Hu Shin, Chyang Hui, Wang Myin Shan, Li Chon ni shingjong lamang ko sa du dung nna n-gun sa jo ma ai.