作家万里指导景颇大妈合唱团 Mahkon htuk ninghkring Wan Li Jinghpo nu num ginsup shingni hpung ni hpe hpaji sa jo u a - 景颇新闻 - 景颇文-德宏民语文网

Shiga masa景颇新闻

Mahkon htuk ninghkring Wan Li Jinghpo nu num ginsup shingni hpung ni hpe hpaji sa jo u a

作家万里指导景颇大妈合唱团

时间:2018-08-10 11:18:44 来源:德宏团结报

  Shata 7 nhtoi 23 ya shani, mungdan nambat langai tsang mahkon htuk ninghkring Wan Li go anhte mungdo Jinghpo amyu sharot hpaji sumru hpung nu num ginsup shingni hpung ni so shaga ai majo Jinghpo nunum mahkon mangui hpung ni hpe hpaji sa jo la sai.

  “Myit n-gun rong, mahkon nsen danleng” ngu ai Yianlinwan dazik ningdo lahkong mahkon mangui shingjong poi na mungdo gaba hte myu 16 hkan na shingjong poi go ngut kre mat sai. Shingjong poi dodan masat hta hkan nna, shingjong hpung16 ni go mungdan ting na jahtum shingjong nambat langai lang ngu na shingjong hkat ai hta no lom ra nga ai. Anhte mungdo Jinghpo amyu sharot hpaji sumru hpung ginsup shingni hpung na Jinghpo nu num mahkon ma- ngui shingjong hpung ni go Yinnan mungdo gaba shingjong ginra na nambat langai arong kumhpa lu la ai ni rai nna, mungdo gaba, mungdo tsang shagu ningbo ningla ni mung shannhte hpe grai yu ahkyak la nga ai, shing rai nna, mungdan tsang mahkon htuk ninghkring, Yinnan mungdo gaba mahkon mangui ninghkring hpung tingnyang up ningtau Wan Li go anhte mungdo ko du sa wa nna mahkon hkon shingjong na hpaji ni sa jo da sai.

  Wan Li go Jinghpo nu num mahkon mangui hpung ni a masa hta hkan nna, yong hpe myit shanu nna, mahkon mangui hkon ladat atsom lang nna, madu amyu a nsam rong ai mahkon hkon shapro nhtom, mungdan ting na shingjong poi hta amat lu hkra shakut hkrat wa na hku lajin dat sai. Shi e atsom sharin matsun dat ai nga yang, Jinghpo nunum mahkon mangui hpung ni a mahkon hkon madang tsomra shatso la sai. Mahkon mangui hpung na masha ni go, ya du wa na ra ai shingjong hkat ai hta, mungdan ting na nambat jahku ko lom lu hkra shakut na nga nna tsun ma ai.

  Wan Li go mungdan nambat langai tsang mahkon htuk ning- hkring, Yinnan mungdo gaba mahkon mangui hpung tingnyang up ningtau rai nga ai. 20 jan ning rai wa yang, 《Bum ga na ma gaji》, 《Bum layang ga na num》, 《A Shi Ma》 re mahkon ni lo lo htuk shalat hkrat wa yu nu ai rai.