2018中国●梁河国际葫芦丝文化旅游节开幕 2018 ning Miwa mung.Lengho mungkan tauba si pyiman buhkom poi galo hpang sai - 景颇新闻 - 景颇文-德宏民语文网

Shiga masa景颇新闻

2018 ning Miwa mung.Lengho mungkan tauba si pyiman buhkom poi galo hpang sai

2018中国●梁河国际葫芦丝文化旅游节开幕

时间:2018-08-10 11:03:30 来源:德宏团结报

  2018 ning Miwa mung.Lengho mungkan tauba si pyiman buhkom poi shata 8 pro 8 ya shani Lengho ginwang ko hpo hpang sai.

  Ndai lang na poi go Sakhkung mungdo pati rapdo, mungdo asuya ni woi ninghtan galo ai re, poi hpo galo ai lachyum madung go, amyu htunghking hpaji matut shachyo hkrat wa, ningshon sho ai hpaji lang shachyam hkrat wa rai na matu re.

  Tauba si pyiman buhkom poi hpe ndai lang hte rai yang ningdo 3 lang galo sai, mungdo ting na poi gaba langai mi re, shong hkan galo ai poi hte shabung yang madang grau tso mat wa sai hku re, mungkan tauba si pyiman poi a lachyum tsun yan dan lu sai hte rau, Miwa mung amyu madum sumhpa hpung dinggrin lit gun hpung up ningtau Wang Wui Shu, Miwa mung amyu madum sumhpa hpung tauba si pyiman pa-wu laksan magam salang hpung hpung up Ho Wui Zhin re sara ninghkring ni hpe so shaga la nna shingjong poi amat maram shangun ma ai hte rau, tauba si pyiman hpaji sumru hpong woi hpo ma ai. Ndai lang na poi hta mungkan jut shingno shagu na tauba si pyiman dum sharong ai sara ni hpe mung so shaga dat ma ai, shingjong poi shang ai ni hpe jo ai kumhpa mung gum- hpro lap sen 2.5 du ai.

  Sakhkung mungdo pati rapdo dinggrin salang, mungdo pati rapdo mung masa tara rapdo mu madu Yang Shang Hung, mungdo mungchying sha gasa zuphpong gaba dinggrin salang rapdo mu madu ningtau Jau Sin Jo re ningbo ni poi hta sa du dung ma ai.