Shiga masa景颇新闻

Madu nan sagyi hkrak di shakut yang she, dinghku ngui pyo wa lu ai 一一Lengho ginwang Da-chang ginwang do Adauho ninghton na Li Ai Zhin sut su wa ai lam

“只有靠自己努力的努力,才能创造更幸福的生活”——梁河县大厂乡二道河村民李爱清的脱贫故事

时间:2018-07-18 11:31:16 来源:德宏团结报

  2001 ning hta, Li Ai Zhin go Shauchang ginwang do Yuyi ninghton Lauyenzi gahtong ko nna Da-chang ginwang do Adauho ninghton hkaimu hpung 4 na Yang Shi Hin ko num wa ai re, Yang Shi Hin nta ni go matsan ai dap pyi n to ai hku re.

  Yang Shi Hin ko wa ai hpang, Li Ai Zhin go dinghku nga pyo wa na matu, ahkai hkai, ningchyang chyang rai, lu tam ai gumhpro hpe nta ahka wa kau rai yang mung, nta ko grai no matsan nga ai.

  2004 ning hta, asuya ni madun ai ko hkan nna, Li Ai Zhin go madu wa hte shinggan de ningchyang bungli sa galo ma ai.

  Ningchyang sa chyang ai lahkong ning rai yang, gumhpro lap 20000 lu tam la nna, nta loi gaji ai gap la masai. 2007 ning hta, asuya ni nta galo la na gumhpro garum jo ai majo, ai grak re n ta lu galo la masai.

  2013 ning hta, dinghku masa hta hkan nna, Yang Shin Hin a dinghku hpe matsan jahpan ko shalom bang ya sai. Li Ai Zhin go matsan jahpan hta lu shang ai hpe gabu dum nga ai, mahtang asuya ni a tara gaja lu hkam sha nga ai, raitim, laning mi pyi n du yang, Li Ai Zhin go matsan bochyop ro gabai kau sai, shi myit ai go masha wa sha garum jo yang go, manghkang n lu yan kau nga ai, Tinang madu ko nna nan shakut shaja la yang she, dinghku ngui pyo wa lu na re nga nna tsun u ai.

  2015 ning hta, tara gaja wa sai, asuya ni ko nna wa long galo shagreng ya, gasha jahkai na Wa ganu 4 ya sai hte maren, Li Ai Zhin go Wa hkrai yo shakut bang wa sai. Shi go nta ko Wa nkau mi rem ai ko lai nna, shanhte nta na bum ko mung Wa-long gaba galo ton nna, Wa gaji gaba 90 jan rem ton sai. Li Ai Zhin go ya matut nna wa gasha jahkrat na Wa ganu 80 jan du hkra rem na no myit nga u ai.

  Dinghku hta nga pyo wa sai hte maren, Li Ai Zhin go hpaji gata n mai ai nga nna, gasha yan hpe hpaji hkaja la shangun na lam hte mung n-gun grai dat nga ai, ya gasha Ma Ko mahtang go Sakhkung magam hpaji jong ko jong lung nga ai, Ma Lu mahtang go ma gaji jong ko lung nga sai, shi go tinang hpaji n chye ai jamjau hkrum sha nga ai jan rai nna, gasha yan hpaji sharin la ai lam hta, sha sharin kam nga yang go, ganing re madang ko du hkra mi lung mat wa tim, madi shado na nga u ai.

  Daining na ginwang ting hta ru yak matsan bungli galo masha shakon shagrau zuphpong hta, matsan bochyop ro gabai kau masha malai tai nna ga shaga ai Li Ai Zhin tsun ai ga lahkun masum grai ahkyak nga ai, Lahkun langai go “Matsan tim hpa n ra ai, madung go shakut na myit rong ra ai.” Lahkun lahkong go “Prat tup ru yak jamjau nna rai tim, ma ni hpe hpaji n mai hpang jahkrat kau sha- ngun ai.” Lahkun masum go “Chyeju dum chye ra ai, prat tup pati a chyeju hpe matsing da ra ai”. Li Ai Zhin tsun ai, anhte nga ngui nga pyo wa ai go, pati hte asuya a majo she re, anhte pati a ga madat, pati ko hkan, pati hpe chyeju dum ra ai.