景颇文工作者聚集芒市共同研讨景颇语语文工作 inghpo laika hte seng ai hpaji sara ni Mangshi ko du hkum ma ai - 景颇新闻 - 景颇文-德宏民语文网

Shiga masa景颇新闻

inghpo laika hte seng ai hpaji sara ni Mangshi ko du hkum ma ai

景颇文工作者聚集芒市共同研讨景颇语语文工作

时间:2018-07-18 11:01:11 来源:德宏团结报

  Shata 7 nhtoi 13 ya shani hte nhtoi 14 ya jahpot, prat ningnan Jinghpo ga laika magam dup ginrat zuphpong hpe Mangshi ko hpo hpong lai wa sai. Ndai lang na zuphpong go Sakhkung mungdo makam masham magam mu gon hkang dap ni woi ninghtan hpo hpong ai re.

  Sakhkung mungdo mungchying sha gasa zuphpong gaba dingrin salang rapdo mu madu lit gun yu ai, mungdo mungchying sha Jinghpo Wunpong amyu sharot hpaji sumru hpung mying gun hpung up Yi Ma Yo(La-sang Yo), Sakhkung mungdo asuya hpaji jo salang lit gun yu ai, mungdo Jing- hpo Wunpong amyu sharot hpaji sumru hpung dinggrin lit gun hpung up ningtau Li Shang Hkyen(Manam Tong), Yinnan amyu laika shapro dap dap up lit gun yu ai sara gaba Yo Kyen(Nhkum La Hkum), Yinnan amyu dakkasu jong na sara gaba Kyin Sho Leng(Maru Janghkam Tu Mai), Yinnan nsen shapoi dap na sara gaba Hpai Hua(Lahpai Ma Yung), Yinnan amyu laika shapro dap na sara gaba Yo Lin Yi(Nhkum Ma Hpang),Sakhkung mungdo amyu laika shapro dap dap up lit gun yu ai sara gaba Htong Rung Yin(Lahto Zau Gyon), Sakhkung mungdo makam masham magam mu gonhkang dap dap up ningtau Hkoi Yung Shin, Sakhkung mungdo makam masham magam mu gon- hkang dap dap up ningtau Yang Chyung Myin (Maran Labok Tang), Sakhkung amyu ga sumla hkrung gale shapoi dap dap up Yo Htai Lung (Nhkum La Mai), Yinkyang ginwang mungchying sha gasa zuphpong gaba dingrin salang rapdo mu madu ningtau, Yinkyang ginwang Jinghpo Wunpong amyu sharot hpaji sumru hpung hpung up Hpai Gyen Hua(Lahpai No), Sakhkung mungdo shali laika bongban rapdo tingyang up lit gun ai sara gaba Sha Hung Yin(Maji Bok), Yinkyang ginwang sharin shapan dap na bungli hkring sa mat sai sara gaba Lahto Maru Mai re woion ningbo, sara gaba ni hte mungdo, ginwang myu de nna du sa ai Jinghpo laika hte seng ai rung dap hkan na magam gun masha ni zuphpong hta sa du dung ma ai.

  Zuphpong hta, Yi Ma Yo hpong hpo mungga hko tsun u. Li Shang Hkyen mungga hko tsun nna n-gun jo u ai. Hkoi Yung Shin hkalum tau ga tsun u ai.

  Mungdo gaba, mungdo, ginwang myu de nna du sa hpaji ninghkring ni hte magam gun masha ni go, magam bungli galo ai ko hkrum gadup ai maru mayak manghkang hte n chye htai ai ga si ga ngau ni tsun shon dan ma ai. Ra rong ai manghkang dai ni hpe zuphpong hta sa du dung ai ni jom dup yu nna shagrin ton sai.

  (Ka/dem ai: Lahto Brang Ja, Nhkum Ma Chin)