Shiga masa景颇新闻

Wuhpai Tinggya ko dumsu rem sha ma ai

卡场吾排村群众养牛收入高

时间:2018-07-11 09:27:54 来源:德宏团结报

  Ndai lapran Yinkyang ginwang Shadan krung Wuhpai ninghton Tinggya gahtong ni dumsu rem nna nrau bu nga ma ai.

  Tinggya gahtong go shara dam lada, bum maling tsit lali tsom, namhpun rong re shara re. Dai gahtong na Miji Ra mung marang prang ko gabu gara myit hte dumsu gau rem hkom nga ai.

  Dai zon rai gahtong masha ni dumsu chye rem sha wa ai go, suthpom pati a chyeju hpe shong myit dum ra nga ai, ga-ning lo nga yang, suthpom pati woion ai hpong shingra masa mungdan hta chyu sha dai zon shagrau shaa ging ai mu lam byin pru lu ai.

  2011 ning na shata 5 ko nna,Tinkya mare na Maji Ra dumsu rem hpang wa sai. Lai wa sa ten hta, Maji Ra dumsu pyi hkrit ai wa re, shi go manang ni dumsu rem nna ja gumhpro tam lang ai hpe mu ai majo, shi mung rem chyam yu na ngu myit u ai. Ningnan e, ja gumhpro gata, dum su rem na hpaji atsom n chye re majo, dumsu lo lo n lu rem ai. Maji Ra go shi na laikyang gaja, mano manang hpe chye hkungga re majo, shi na manang ni go dumsu yu hkang na hpaji jo u ai. Manang ni a mahkrum madup lam lu la ai hte rau, mare salang rapdo, Hka-shang gat mare hkan na ni woi hpo ai sharin hpong mung lo lo lang sa yu re hpang, Maji Ra dumsu rem sha na hpaji loi li chye wa sai. Shaloi Maji Ra dumsu rem sha bungli hpe grau ningtsing wa nu ai.

  Maji Ra go dumsu wuhpung gaba hku rem mayu nu ai raitim, ja gumhpro yakhkak nna myit ru to nga ai ten hta, asuya ni ko nna dumsu rem na hku sa ginron ma ai. Ningnan e, gahtong masha ni dumsu rem sha na lam n myit hkon ma ai. Maji Ra ginjang gaja dai n mai tat kau ai ngu myit la nna, gahtong masha ni hpe dumsu rem sha na hku woi ginron u ai.

  Ya pati asuya ni ja gumhpro madi shado ai gata hta, gahtong ko dumsu rem sha ai nta htonggo 26 du sai. Maji Ra mung dumsu 24 rem ton u ai. Ya ten hta, gahtong masha ni dumsu rem sha nna ja gumhpro chye tam lang sai majo, nta dinghku hta lani hte lani nga pyo wa sai, dumsu garai n rem ai ni mung, dumsu rem sha na lam hta myit lom wa sai.