Shiga masa景颇新闻

Lengho ko bungli galo wunli lam jep shaja nga ai

安市局汛期安全生产检查如火如荼

时间:2018-05-24 16:02:52 来源:德宏团结报

  Shata manga du nna yi-nam shang wa ai ko nna rai wa yang, Lengho ginwang wunli bungli galo mu hte gat yang tek jep gon lajang dap ni go wunli bungli galo mu jep hpung zuphpo la nna, ya galo nga dangam rai nga ai yi-ngam mu, nhprang bum, sau jat shara re ni hta wunli lam hkan jep yu nna, hkrit hpa manghkang rong ai shara hta go, lau lau sharai la shangun rai nna, yi-nam ta hta hpa n hkrum n hkra ai lai lu na matu ama hkam dat sai.

  Shata 5 pro 8 ya shani, Lengho ginwang wunli bungli galo mu jep hpung, ginwang asat tara rapdo, Htinchung ko nna Nshon du ai modo lam galo kaman dap Lengho jep lom hpung ni jom zuphpo la ai wunli bungli jep hpung ni go Htinchung ko nna Nshon du ai modo lam gaba Lengho do hta sa jep yu nna, wunli lam n galo du ai hpe atsom tsun shadum sharai la shangun sai.

  Gade n na ai hpang, shanhte go Htinchung ko nna Nshon du ai modo lam gaba Lengho modo lam nhku mahka galo ai hte nhprang bum shara, yi-ngam galo shara, sau jat shara, hpaijang mazing ton re shara ni hta wunli lam bai no sa jep yu na hku rai nga ai.