Shiga masa景颇新闻

Ahkyak shiga

要闻播报(8)

时间:2018-05-14 10:09:15 来源:景颇人

  ①Yinnan ga na nambat langai lang mam bong ban shalat shara go daining Mangshi ko galo shangut ton sai. Mam bong ban shara ndai go mungdan a matu tsun ga nga jang nambat 6 ngu na galo ton lu sai, Yinnan mungdo gaba hte Miwa mung a sinpro dingda maga ginra hta go nambat langai rai nga ai. Mangshi mam bong ban shalat shara galo ngut jang, jak hte mam hkai shalat hkrat wa lu na matu ama hkam ya lu sai hte maren, jak hte mam bong n ban shalat yu ai labau mung lai di kau lu sai.

  ②Shi sok masha Sakhkung mungdo bu hkom mu sharot zinghka rapdo ko sa san chye la lu ai, shata 5 pro 1 ya shani hkying 12 du yang, Sakhkung mungdo“5.1” bungli galo poi hta bu hkom masha sen 3.96 hpe hkam tau la nna, shawoi na hte shadon yang 168.38% lo jat nga ai.

  ③Ndai lapran, Sakhkung myit hkrum shi laika dap shi sok masha Shuili Kang hta rung ko sa san la lu ai, Shuili hpaga gahkan hta, 2018 ning lado langai ko na hpaga rai pru shang gumhpro go lap gadi 171.6 rai nna, shawoi shaning na hte shadon yang htam 1.4 rot jat nga ai.

  ④【Sakhkung labau hta na daini】1956 ning shata 5 pro 4 ya shani go, Miwa mung mungchying sha mung masa bongban zuphpong a ningdo ningnan lang Sakhkung mungdo Sam Jinghpo amyu madu up hkang mungdo salang rapdo nambat langai lang zuphpong hpe Mangshi ko hpo hpong lu sai, zuphpong ndai hpo hpong ai ko nna go mung masa bongban rapdo Sakhkung mungdo salang rapdo masat sharot ton sai ga rai sai.

  ⑤Ya hte, mungdan shayi num wunhpom ni lit hkam galo ai“Ru yak shaprai kau na hte shayi num ni a ja gumhpro tam la ahko ahkang shatso ya” ngu ai Lanzhang kyang Muikungho hka lui lai mungdan na shayi num ganbu dinglik maram sharin hpung ni Sakhkung mungdo Shuili myu ko sa du jep maram hkom ma ai. Lau mung, Yudiya mung, Myen mung, Gambodiya mung, Wetnam mung, Miwa mung na sharin shapan lom masha hte mungdan, mungdo gaba, mungdo shayi num wunhpom na seng ang masha marai 40 hkan lom ma ai.

  ⑥Ya hte, Jinshinshiye hpaga dap ni Uropadan lauban gaba masum ko na langai ngu na Itali mung lai sumpan hpaga rung ni hte hpaga pong galo mu jom jahkrup hkat nna, mungkan ting na lang rai gaja galo lang ngau dut shparo ai ahkyak hpaga dap rai wa sai hte maren, Sakhkung ga ko galo ai “Miwa mung na gatrai gaja”go mungkan de dut shapro hkrat wa na hku rai sai.

  (Gale ai Maji Htu Lung)