五•四我们是这样过滴! Jong wang gata na manau chying ngoi nsen - 景颇新闻 - 景颇文-德宏民语文网

Shiga masa景颇新闻

Jong wang gata na manau chying ngoi nsen

五•四我们是这样过滴!

时间:2018-05-14 10:04:38 来源:景颇人

  Shata 5 nhtoi 3 ya sha ni Yinkyang muhtam hpaji jong na Sam jongma ni hte Jinghpo jongma ni ramma poi jom hkalum lai sai.

  Hkalum poi hta, jong na sara ni hte grup-yin hkan na manam ni sa du hkalum ma ai.

  Shani hkying 2:30 ko nna hkying 3 du hkra, Sam jongma ni go Sam htunghking bu hpun mon sumli lang nna, Sam htongka woi ka ma ai. Jongma ni yong go gabu gara myit hte htongka sa ka lom ma ai.

  Hkying 4 ko nna hkying 5:30 du hkra go Jinghpo jongma ni manau bai woi manau ma ai. Shong ningnan 《Myit hkrum mahkon》 jom hkon ai nhtom, jong na ningbo salang ni gup daru shachyop ya nna manau nau hpang wa sai. Manau wang hta, shayi sha ni go banbo layit lang galang, shading sha ni go mashot n-ga na nhtu sho galam rai ka manot to nga ma ai. Manau mahkon hte jongma ni gabu ohlo ai nsen go manau wang ting gadu to nga sai.Shana mahkon yu-ngui ginsup pya poi galo nna ramma poi hpe shangut la sai. Ndai lang jong ningbo ni ramma poi woi galo ai lachyum go, jongma ni myit hkrum mang rum rai, ta hkindun let laika hpaji sharin shakut nna, myit su myit kop ai shayi shadang sha byin tai wa na matu re.

  Ka ai: Magui Lung On