Dinghkung mu madu Si Gyin Hpyin amyu ga laika hpaji ningli hte seng nna tsun ai mungga 习近平总书记关于少数民族语言文化的论述(摘要) - 景颇新闻 - 景颇文-德宏民语文网

Shiga masa景颇新闻

习近平总书记关于少数民族语言文化的论述(摘要)

Dinghkung mu madu Si Gyin Hpyin amyu ga laika hpaji ningli hte seng nna tsun ai mungga

时间:2018-05-14 10:00:59 来源:景颇人

  Dinghkung mu madu Si Gyin Hpyin《Ginjo amyu magam hte seng ai zuphpong》hta matsun ai

  1.Nlo amyu ni a aga hte seng ai lam

  “Aga hkrum ai go masha shada hkuhkau hkrum ganon hkat lu ai a ningpot madung re. Aga n hkrum yang shada ganon hku hkau hkat na yak ai,shada atsom n lu ganon yang shada chye na hkat na grai yak ai,dai zon rai yang shada ningmu sharum na n loi mat ai. Nlo amyu ginra hta aga laika amyu lahkong sharin shaga lang mat wa ai hte seng nna,ginra na nlo amyu ni hpe mungdan ko jom lang ai aga laika hpe atsom sharin hkaja shangun ai hta n-ga, Nlo amyu ni nga ai ginra na Miwa amyu ni hpe mung ginra na nlo amyu ni a aga laika sharin la shangun ra ai. Nlo amyu ni mungdan ko jom lang ai aga laika hpe atsom lu sharin hkaja da yang, amu tam, prat dep hpungtang hpaji sharin, wuhpung wuhpong de shang mat wa yang grai akyu rong ai. Nlo amyu ni nga ai ginra na asuya magam gun ni, nlo amyu asuya magam gun ni Miwa ga laika ka shaga lang chye ra ai, asuya magam gun ai Miwa amyu ni mung ginra nlo amyu ni a aga laika chye ka shaga lang chye ra ai, ndai hpe ahkyak ai shinggyim ron lai hku nna lajin dat ai. N rai yang, asuya magam bungli dai atsom n lu gun hpai ai, aga pyi n chye na hkat yang ganing di bungli galo shangut lu na re ta?”

  2.Nlo amyu ni a htunghking alik hpaji hte seng ai lam

  “Nlo amyu ni a htunghking alik hpaji ningli hte seng nna yi-ngam n pa ai, ginra gat lok sut masa hpe hkap ningngan na n-gun grai kya ai, manu dodan n lu ai amyu a la-hkri rai ahkyak ni mat mat ma wa ai lam grai song nga ai, mat mat ai hpang she grai ahkyak dum ai, shut dum ai lam n mai galo ai. Nlo amyu ni a htunghking ningli la-hkri ni go anhte Huahkya amyu ting a htunghking la-hkri ahkyak ni re, gadai amyu a sha n re, gara ginra na sha n re. Anhte ni htunghking lo lo hpe chye hkungga ra ai, anhte shong nnan e Miwa mung na htunghking ningli go amyu lo ai hte maren htunghking amyu myu lo nga mali ai. Chyunghua htunghking alik hpaji go amyu shagu hpe gumhpon shabon da ai re. Miwa amyu ni a htunghking hpe sha Chyunghua amyu a htunghking ngu kau, nlo amyu a htunghking ni hpe malap mali di kau ya re go, madu amyu a htunghking hpe Chyunghua amyu a htunghking hte garan ginhka kau, Chyunghua amyu a htunghking hpe n hkap la ai ga re, dai zon re ni yong go n jo ai hkrai re, yong dai zon re myit jasat hpe gabai kau ra ai.”

  Gale ai: Alat Gun Ong