Shiga masa景颇新闻

Panse pan pu tsom ai Huyup ginwang do

斑色花飘香的地方 —— 户育

时间:2018-04-24 10:19:24 来源:德宏团结报景颇人

  Huyup ginwang do go Shuilu myu a sinna dingdung maga de ang nna, Gauri bum a dingda maga de na bum lago do hta rai nga ai, shi go tsit lali tsom la ai lungseng hpe gahtet ga na bum maling ko tok bang ton ai zon rai nga ai, Huyup ngu ai hpe Jinghpo ga hku go shong yup ai ngu ai re, Sam ga hku go langa tu ai shara ngu ai re, grau nna go ningshong masha yup yu ai ngu ai lachyum mung rong nga ai, moi prat hta, Wuma Gung Nu ngu ai Jinghpo la wa, ndai ko tsit lali tsom ai mare de shara sa tam hkom du ai shaloi, ndai lungseng zon rai tsom la ai shara hpe sa mu hkrup nna, mana maka gabu mat nu ai. Ginsim gasha gap la nna lahkong masum na yup yu nhtom, nta ga de shara gaja ndai mu da ai lam wa tsun dan sai. Dai hpang nta ga de na ni hpe sumtsan lam hkom nna ndai shara ko mare sa woi de bang wa nu ai. Dai hpang, gashu gasha aru arat ni go Wuma Gung Nu hpe myit dum masat dingsat ton da na matu, shi sa yup yu ai shara dai hpe Huyup ngu nna shamying lang mat wa masai.

  Huyup ginwang do go Shuili myu myu shara hte deng 20 tsan gang nga ai, Jinghpo amyu, Miwa amyu, Deang amyu re ni nga shanu nga ma ai, lo malong go bum ga ko nga shanu shajang nga ai, ginwang do ting hta mare salang rapdo 30 nga nna,sinpro maga, sinpro dingdung maga de go Nmau gat mare Mungshu ginwang do hte matut hkat, dingda maga de go Jeseng ginwang do hte matut, sinna dingda maga de go Nongtau hte matut hkat, sinna dingdung maga de go Nshon hka hte Myenmung Nba pa hte tot tap sha rai nga ai. Huyup ga hta go shawa masha ni myit gaja, shara tsit lali tsom dagu sut hpring tsup rai nga ai, ya daini du yang bum du ni a htinghput htingra ningsa lo lo nga ai hpe no mu lu nga ai, Zaukong bumdu a lupba shara, Jinghpo nat ra, Luikung bum amyau htingra ningsa, Luikung bum hka rim ni nga shajang ai hta n-ga, Hayup ga go mungdan ting na ga hpri hpun ganu a buga mung no rai nga ai. N-go htot masha ni sa gahkyin nga ai shara re nga yang, bumga na n-go htot shara mung ngu nga ai, shi go tsom htap manam pyo la ai panse pan zon rai nga ai, Huyup bum hpe, dai shara na shawa masha ni go shara gaja re ngu nna yu nga ma ai, hpun kawa ni e tu shinggrup ton ai Jinghpo gahtong go yu dat yang tsom htap la nga ai, ndai shara hta go shaning shagu ningseng poi galo nga ai. Labau galu, alak re lamu ga masa a majo e, ndai shara go alak mi rai tsom la ai yu chyai shara rai to nga ai. Amyu shagu hpu nau na ni myit hkrum mang rum rai jom shakut nna, ndai shara hpe grau shatsom jahtap dat lu masai, ndai shara go Miwa mung a sinna dingda maga mung htingrep rai nna, manam pyo la ai panse pan pu tsom ai shara——Huyup rai nga ai.