Shiga masa景颇新闻

Mung masa bongban rapdo ningdo 13 mungdan salang rapdo zuphpong woion masha lata shapro ton sai

政协第十三届全国委员会选出领导人 汪洋当选全国政协主席

时间:2018-03-19 09:04:42 来源:德宏团结报

Ndai go myitrum Wang Yang rai nga ai.

  Sinhua she Bekyin shata 3 nhtoi 14 ya shiga Prat lak nnan Miwa mung laksan nsam rong ai hpong shingra masa hkikhkam ong dang lam hta shakut jat lu sai hte maren, mungchying sha mung masa bongban rapdo ni wunli lu ai hte woion ningbo nnan galai mu galang bai galo shangut ton sai. Miwa mung suthpom pati ginjo mung masa rung dinggrin salang Wang Yang nhtoi 14 ya shana de hpo hpong ai mungdan mung masa bongban rapdo ningdo 13 nambat 1 lang zuphpong nambat 4 lang hkumra zuphpong hta, mungdan mung masa bongban rapdo tingnyang up lata shapro ton sai. Dai hte rau zuphpong hta mungdan mung masa bongban rapdo tingnyang up tau marai 24 hpe mung no lata shapro ton ma ai.

  Ra lata shapro ton ai masha mying shana shabra dan na shong, ningdo 12 mungdan mung masa bongban rapdo tingnyang up Yi Jin Shen zuphpong gaba ko sa du nna, ningdo nnan hta ra lata shapro dat na mungdan mung masa bongban rapdo salang zuphpong dinggrin salang ni hpe sa hkalum shaman u ai. Hkying 5 manit 15 hta, zuphpong aju jum masha Wang Yang hpe mung masa bongban rapdo ningdo 13 mungdan salang rapdo zuphpong tingnyang up ra lata ton sai nga shana shabra dat ai htom, Yi Jin Shen hte Wang Yang ta jom shakram nga jang, zuphpong ginra hta la-hpok nsen aten grai na hkra dum ngoi nga ai.

  Zuphpong hta mungdan mung masa bongban rapdo tingnyang up marai 24 hpe ra lata shapro ton masai hte rau, Sha Pau Lung hpe ningdo 13 mungdan mung masa bongban rapdo salang zuphpong chyare ningbo ra lata shapro ton sai hte rau, mung masa bongban rapdo ningdo 13 mungdan rapdo salang zuphpong dinggrin salang marai 300 hpe mung no ra lata shapro ton masai.