Shiga masa景颇新闻

Jinghpo tsi grai nyam nga ai!Shuili tsirung ni Mangshi mungkan manau poi hta Jinghpo tsi wa dam pya madun ma ai

厉害了我们的景颇医!

时间:2018-03-14 10:02:50 来源:德宏团结报

  2018 ning shata 3 pro 2 ya shani ko nna pro 3 ya hta, hkringhtong matut masha Jinghpo tsi tsi sara Muihpu Tu go Shuili tsi rung a gasa hku nna, Sakhkung mungdo tsi mawan hte yo shada shangai shaprat rapdo ni, manau poi laman hta galo ai “Jinghpo kunghpan maka sharot, Jinghpo tsi mawan shachyam shabra”ngu ai Jinghpo tsi mawan hpaji dam pya madun dan lamang galo ai ko wa lom u ai. Ndai lang na Jinghpo tsi mawan dam pya dan ai lamang hta, Shuili tsi rung ni go Jinghpo tsi ko na sha ai bo tsi hte chyaru hte tsing ai tsi ni hpe madung shatai nna wa dam pya madun dan ma ai. Dam pya madun dan ai hta, laika hte ka shadan, tsun yan dan, ana hkap jep tsi ya, atsi lang chyam yu shangun re ladat hte Jinghpo tsi hpe shachyan shabra hkrat wa nna, bu hkom masha lo malo ni hpe Jinghpo tsi a gaja lam chye la shangun sai. Dam pya madun dan ai laman hta, ami na mungdo gaba tsi mawan hte yo shada shangai shaprat rapdo mu madu, mungdo tsi mawan hte yo shada shangai shaprat rapdo mu madu re tsang shagu rungdap shagu hkan na ningbo ningla madung ni dam pya madun dan ai sa yu la masai hte maren, Jinghpo tsi hpe yu ahkyak la, lawu tsang na Jinghpo tsi sara ni hpe yu tsang ai myit madun dan sai. Gadun la ai 2 ya na laman hta, mun lam du ai buhkom masha ni Jinghpo tsi hpe sa yu shagrau nga ma ai, dai ko shara magup de nna du sa wa ai Jinghpo amyu sha ni mung grai lom nga ma ai.

  Jinghpo tsi go labau galu tsi n-gun ja re hte maren, myu shagu re ana ni hpe tsi shamai, nga pra mayat maya sa wa na matu akyu gaba nga nga ai.

  Shuili myu tsi rung ni go 2000 ning ko nna amyu tsi gok masan ton nhtom, Jinghpo amyu tsi sara lak masum hkringhtong matut masha Muihpu Tu wa e woi ningbo hkrat wa ai ko, Jinghpo tsi ding yang matut lang hkrat wa nga ai. Namtsi go hpye shamai machyi jasim, bum jasip sai shabra re akyu rong ai majo, machyi masha ni hpe machyi jasim ya, tsi shamai aten gadun kau lu rai nna, gatong gayo kau, lami malan malo gashai mat, lago lata do mat re tsi shamai na grai loi nga ai, mu madu Muihpu Tu go amyu tsi hte Shuili myu hte makau mayang hkan na hkying mun du ai machyi masha ni hpe machyi ana tsi shamai kau dat ya lai wa yu nu ai.