Shiga masa景颇新闻

Wang Gyin Hkyang bungli hkring sa mat sai Ganbu ni hpe sa yu gawan u ai

芒市启动“打造生态田园城市,争当文明市民”志愿服务站

时间:2018-02-13 16:35:03 来源:德宏团结报

  Shata 2 pro 6 ya shana, bungli hkring sa mat sai ganbu ni hpe myit tsang lahku ai myit hte, mungdo pati rapdo mu madu Wang Gyin Hkyang anhte mungdo na bungli hkring sa mat sai ganbu nkau hpe sa yu gawan gatsan nna, shanhte hpe go-nyen sa gawan gatsan ai hte rau, pati hte asuya a shaman ga ni sa hko dan u ai.

  “Go-nyen poi lau du sai, ngai go mungdo pati rapdo, mungdo asuya a gong malai tai nna yong hpe sa yu gawan gatsan ai re, yong go-nyen poi hta hkamja wunli lu u ga. ”Wang Gyin Hkyang re ni shong hpang rai Mangshi ko nga shanu nga ma ai Lang Ta Chyung, Dau An Gyi, Yang Shi Zhen, Yang Wun Chyung, Ye Shang Yi, Yang Hung re mi na woion ningbo ni hpe sa yu gawan gatsan nna, mungdo pati rapdo, mungdo asuya a gong malai tai nna bungli hkring sa mat sai myitrum ni hpe go-nyen poi na shaman ga sa sa jo hkom ma ai.

  Du mi du hkom shara hta, Wang Gyin Hkyang go bungli hkring sa mat sai ganbu ni hte dung jahta chyai nna, shanhte hpe hkumhkrang hkamja lam, dinghku gata na ruyak manghkang lam re sa hkan san sagon hkom rai u ai. Bai nna shanhte hpe ya yang anhte mungdo na sutgan hpong shingra rotjat sat lawat re sa tsun yan dan ai hta n-ga, shanhte ni mungdo pati rapdo, mungdo asuya ni a mu htam lam hpe tsun mayu ai ga ni mung atsom no madat mara la rai u ai.

  Hu Shin hte mungdo pati rapdo muhtam gok, mungdo mung shawa masha gonhkang rung, mungdo pati rapdo bungli hkring sa mat sai ni hpe gon hkang ai rung dap hkan na madung lit hkam masha ni sa hkan san gawan gatsan hkom lom ma ai.