新一届州政协领导机构产生 Hong Li Yin agap ningnan Sakhkung mungdo mung masa bongban rapdo tingnyang up rai sai - 景颇新闻 - 景颇文-德宏民语文网

Shiga masa景颇新闻

Hong Li Yin agap ningnan Sakhkung mungdo mung masa bongban rapdo tingnyang up rai sai

新一届州政协领导机构产生

时间:2018-02-12 09:36:01 来源:德宏团结报

  Shata 2 pro 5 ya shana de, mung masa bongban rapdo Sakhkung mungdo ningdo 12 nambat 1 lang zuphpong nambat 2 lang hkum ra zuphpong hpo hpong dat nna, agap ningnan na mung masa bongban rapdo woi on ningbo lata shapro dat sai. Hong Li Yin go mung masa bongban rapdo Sakhkung mungdo ningdo 12 salang rapdo tingnyang up rai sai, Kon Go Jau, Chyu Hkyi, Li Chon, Yang Sin, Jau Hai Wui, Yang Yen ni go mung masa bongban rapdo tingnyang up ningtau rai sai, Yang Hung go chyare du rai sai. Zuphpong hta Tau Chin Wui re masha marai 47 ni go mung masa bongban rapdo Sakhkung mungdo ningdo 12 salang rapdo salang rai sai.

  Mungdo pati rapdo mu madu, Shuili mungdan ahkyak majen je hpaga lam hpo chyam shara jak mu rapdo mu madu, gon lajang rapdo mu madu Wang Gyin Hkyang, mungdo pati rapdo mu madu ningtau, mungdo ningdo 14 mungchying sha asuya mungdo up Wui Kang, mungdo ningdo 14 mungchying sha gasa zuphpong gaba dinggrin salang rapdo mu madu Hpan Yau Hpyin re ni tingnyang up pinra nambat langai lahkum yan hta sa du dung ma ai.

  Zuphpong gaba woi tingnyang up Hong Li Yin, Kon Go Jau, Chyu Hkyi, Li Chon, Yang Sin, Jau Hai Wui, Yang Yen, Yang Hung ni ningnyang up pinra shong yan lahkum hta sa du dung ma ai.

  Hong Li Yin zuphpong gaba aju jum u ai.

  Ndai lang na zuphpong gaba hta masha marai 278 sa du ra ai rai yang, hkrak sa du ai masha go marai 266 rai nna, ubadi hta dodan ai masha jahpan hte kai nga ai.

  Zuphpong hta mungdo mung masa bongban rapdo ningdo 12 nambat 1 zuphpong ra lata ladat hti dan nna, ra lata lakmat jep ningbo masha, ra lata lakmat jep masha jahpan hpe jom myit hkrum da sai. Mu htam masha ni ra lata lakmat bang sumpu jep yu ai hpang, zuphpong gaba hta mung masa bongban rapdo Sakhkung mungdo ningdo 12 salang rapdo tinyang up, tingnyang up ningtau, chyare du hte salang rapdo dinggrin mu gun lasang ni hpe ra lata la sai.