Shiga masa景颇新闻

Nshon ginwang ni matsan shatong mu hpe n-gun dat hkrat wa ma ai

陇川全力以赴助推脱贫攻坚摘帽

时间:2018-01-12 16:34:01 来源:德宏团结报

  Nshon ginwang atsang shagu na rung dap ni ndai lapran hta matsan shatong mu hpe n-gun ma hkra dat hkrat wa masai.

  Alit hpe hkrak galo shatup. Ginwang do gat mare shagu, rung dap shagu ni go mung masa myit jasat rong, kyet shop ai mu htam laikyang rong rai nna, madu a n-gun atsam shapro nhtom, bungli hpe galo shalat hkrat wa rai ma ai. Mu lit gun madung masha ni mung matsan shatong mu hpe ahkyak dik ai lit hku yu nna, tinang nan matsun, myit mi alom rai soi sing, mu lit myit jasat sharong la rai nna, shawa masha ni a dum nta gogap ya, magam mu hta madi shado, shawa ni myit dik ai hku galo ya sa wa, gahtong mare sanseng shatsom, chyeju dum kunghpan maka lam woi galo, ganbu mu htam masha ni hte shawa masha ni hpe matsan shatong tara ni chye shangun re mu lam ni kangka galo sa wa nna, n-gun atsam yong hte mu htam madung hpe matsan shatong bungli hta dat hkrat wa rai ma ai.

  Matsun lam magra gaja nna, kyit hkai lam galo shatup. Atsang shagu na rungdap ni tengman ai tara hta hkan nna,“Lam lahkong myit n pu, lam masum ama hkam” nga ai hta manghkang rong n rong jep shachyam sa wa, matsan shatong mu galo sa wa ai hta tara shut n shut, n galo du ai lam go gara maga de no rai nga ai, shawa masha ni hte man hkrum rai sengang tara hko shabra dan , tara shachye ya,matsan shatong mu hta shang lom ai masha jahpan shalo la rai ma ai.

  Jep tek lam shaja nna, galo shatup lam magra gaja. Jep tek htung lang nna, shaning htum wa ai shata 1 mi hta sha, matsan shatong“Galo shakut ai 30 ya”ngu ai laksan jep shagrin lam galo nhtom, ginwang asat tara jep rapdo ko nna ganbu marai 15 hprai dat nna laksan hpung 5 zahpo la rai, ginwang ting na ginwangdo gat mare 9 mare salang salang rapdo 68 hta sa jep hkom lai wa masai