Shiga masa景颇新闻

Miwa mung suthpom pati Sakhkung mungdo pati rapdo ningdo 7nambat4 lang hkumra zuphpong Mangshi ko hpo hpang sai

中国德宏州委七届四次全会在芒市召开

时间:2018-01-12 15:47:34 来源:德宏团结报

 

  Miwa mung suthpom pati Sakhkung Sam Jinghpo amyu madu uphkang mungdo pati rapdo ningdo 7 nambat 4 lang hkumra zuphpong shawa shabra laika (2018 ning shata 1 pro 10 ya shani Miwa mung suthpom pati Sakhkung Sam Jinghpo amyu madu up hkang mungdo pati rapdo ningdo 7 nambat 4 lang hkumra zuphpong hta myithkrum da sai)

  Miwa mung suthpom pati Sakhkung Sam Jinghpo amyu madu uphkang mungdo pati rapdo ningdo 7 nambat 4 lang hkumra zuphpong, 2018 ning shata 1 pro 9 ya shani ko nna pro 10 ya shani du Mangshi ko hpo hpong lai wa sai.

  Hkumra zuphpong lom ai ni go, mungdo pati rapdo salang marai 35, mungdo pati rapdo shingnan salang marai 8. Mungdo tara jep rapdo salang, seng ang rung dap hkan na myitrum lit hkam masha ni hte Sakhkung mungdo na pati a nambat 19 zuphpong gaba wa lom ai gasa ni, mungdo gaba nambat 10 lang pati gasa zuphpong wa lom ai lawu tsang na gasa ni hte mungdo nambat 7 lang pati gasa wa lom ai lawu tsang gasa nkau ni rai nga ai, mungdo gata jak rung nkau hkan na ni hpe mung so shaga rai ma ai.

  Hkumra zuphpong go mungdo pati rapdo dinggrin salang rapdo zuphpong ko nna aju jum ai re. Mungdo pati rapdo mu madu Wang Gyin Hkyang zuphpong ko mungga hko tsun u ai.

  Zuphpong hta Wang Gyin Hkyang mungdo pati rapdo dinggrin salang zuphpong ko nna chyinghto nna hko tsun ai muhtam mungga hte 2017 ning pati go maden muhtam mungga hpe jom madat mara la ai hte jom dup ginrat yu re hte rau,《Miwa mung suthpom pati Sakhkung mungdo pati rapdo sungchyung ai hte pati a nambat 19 lang zuphpong gaba atsam hpe sharin achyin la nna pratlak nnan na Sakhkung gumlot rotjat lam hte seng ai dodan》hpe jom myithkrum da masai, mungdo pati rapdo mu madu tau, mungdo up Wui Gang go《Dodan (Laika nrip)》hpe hkumra zuphpong hta tsun yan shadan dan u ai.