Shiga masa景颇新闻

Yinkyang ko shan gap zang mu 1 jep shapro sai

盈江破获一起非法持枪猎捕野生动物案

时间:2018-01-12 09:50:22 来源:德宏团结报

  Shata 1 pro 1 ya shani, Yinkyang ginwang manan htingwan makop masha langai balik ni hpang de shi shok dat ai: Dai shana de hkying 4 jan hta, Tahko hka hku kawa won jon dusat hkan gap sha hkom ai masha nga ai, bai nna sakse datbung ni mung dem shagun dat rai nga ai.

  Shok shana shiga lu la ai hpang, mungdo hte Yinkyang ginwang maling gon shawa wunli makop dap ni go mu dai jep bang wa masai. Balik ni atsom hkan zoi yu nna, shata 1 pro 3 ya shani, sanat hte dusat gap sha hkom ai mara lu ntsen masha Zhau Mu Yin hpe mara jep shara de shaga la masai.

  Mara shut ntsen masha Zhau Mu Yin go shi Tahko hka mayan yu chyai wang hkan nam u gap sha hkom ai mara mu hpe n ningdang ai tsun dan sai. Ya yang, mara lu ntsen masha Zhau Mu Yin hpe rim shingdang ton kau sai, balik ni go mara mu hte seng ai maina gap jung sanat 1, nga gaba jak 1 lu sok la kau masai, mu dai ya jep ding yang no rai nga ai.

  Mungdo shawa wunli makop dap dap up ningtau, mungdo maling gon shawa wunli makop dap ningbo Tung Gyen Chon tsun yang, nam na du sat go manan a ahkyak rai re, anhte mungdo na manan makop maga hkrat wa na go anhte yong a lit gaba rai nga ai, manan jahten shaza ai sat lawat hpe go, balik hpyen ni gachyi mung n chye hkyem sa jo ai, gade mu jep yang gade hpe aja awa lajang hkrat wa na. Dai hte rau, mungdo ting na amyu shagu shawa masha ni manan jahten shaza ai sat lawat hpe mu hkrup jang shawa wunli makop dap de lau lau shok shana dat na hpe myit mada ai.

  Shok shana chyenan:

  Sakhkung mungdo maling gon shawa wunli makop dap :0692-2137680

  Mangshi maling gon shawa wunli makop dap:0692-2999900

  Shuili maling gon shawa wunli makop dap:0692-4141428

  Nshon maling gon shawa wunli makop dap:0692-7176041

  Yinkyang maling gon shawa wunli makop dap:0692-8183795

  Lengho maling gon shawa wunli makop dap:0692-6168129