Shiga masa景颇新闻

Ruima Ma-la-sung gagat shingjong poi shaning ningnan poi zat grai tsom ai

瑞马跨国跨年晚会精彩纷呈

时间:2018-01-12 09:24:22 来源:德宏团结报

  Yu-ngui shadang ni mahkon hkon nga ma ai.

  Miwa mung Shuili——Myen mung Muje mungkan Ma-lasung gagat shingjong poi hte shaning ningnan hkalum lai poi zat go shata 12 nhtoi 31 ya shana Shuili dabang ko pya lai wa sai.

  Miwa mung hte Myen mung na hkying lam du ai shawa masha ni zat sa yu ma ai. Zat pya ai hta, Sakhkung mungdo ja utong ginsup shingni hpung hte Miwa wa mung hte Myen mung mungdan lahkong na zat ka masha ni go yong a man de tsom htap ai zat ni pya madun dan masai.

  Sam zat 《Shinggyim masha ni myit mangoi ai shara》, Sam shingtai ka zat《Tsom ai》go yu masha ni hpe Sam amyu ni a kya tsom lam madun dan sai. Jinghpo zat《Nhtu》, Jinghpo shadang yungui hpung ni a《Baren a matu ni》go Jinghpo amyu ni a ja magrau grang ai lai shadan dan sai, Myen mung zat 《Ga kyin》, Wetnam mung zat《Gaban hte nampan shanghkong》, Yindunisiya mung zat 《Manam pyo ai lulen si》, Yindiya mung zat《Hpoloto mahkon》ni bai rai jang go maigan mung ni a ningtsing shingni hpe shadan shaleng dan nga ai. Zat pya madun hkrat wa ai hta ma- hkon zat hte Miwa mung hte Myen mung a mahku mara hpe tsun jahpra, Miwa mung hte Myen mung a hku hkau zimra lam tsun shapro rai sai. Mungdo pati rapdo dinggrin salang rapdo salang, mungdo pati rapdo mung masa ubadi gonhkang rapdo mu madu Yang Shang Hung, mungdo pati rapdo dinggrin salang rapdo salang, mungdo pati rapdo hko shabra dap dap up, mungdo pati rapdo chyare ningbo Hu Shin hte Myenmung Muje ginra na seng ang ningbo ningla ni zat sa yu ma ai.