Shiga masa景颇新闻

2017 ning Miwa mung Myen mung Shuili一Muje mungkan Ma-la-sung shingjong ngut sai

2017中缅瑞丽——木姐国际马拉松圆满举办

时间:2018-01-12 09:08:03 来源:德宏团结报

  Ndai go gagat shingjong hpang ai rai nga ai.

  2017 ning shata 12 nhtoi 31 ya jahpot hkying 9 hta, dumba nsen ngoi garin wa ai hte rau, mungdan 19 hte shara shagu na du sa wa ai gagat shingjong poi sa lom ai masha marai 7508 go hka hpunlam zon 2017 ning Miwa mung Myen mung Shuili 一Muje mungkan ma-la-sung gagat shingjong poi hta sa lom masai.

  Gagat shingjong poi hta sa lom ai Miwa mung maga na woion ningbo ni go: Sakhkung mungdo pati rapdo mu madu, Shuili hpaga yumga chyam shara muhtam rapdo mu madu, gon hkang rapdo mu madu Wang Gyin Hkyang, Sakhkung mungdo pati rapdo mu madu tau, mungdo up Wui Gang, Sakhkung mungdo mungchying sha gasa zuphpong gaba dinggrin salang rapdo zuphpong mu madu Hpan Yau Hpin, Sakhkung mungdo pati rapdo dinggrin salang, Shuili hpaga yumga chyam shara muhtam rapdo mu madu tau, Shuili myu pati rapdo mu madu Ma Yin Fung, Sakhkung mungdo pati rapdo dinggrin salang, mungdo pati rapdo shana shabra rung rung up, mungdo pati rapdo chyare ningbo Hu Shin re ni hte Huata gyi-yin lauban gaba Wang Gyen re ni rai nga ai.

  Myen mung asuya hpong shingra muhtam gon rung up Myau Htung sara usa, Myen mung hkumhkrang shalan shakyang gon rung rung up Wu Myau Nai, Myen mung Hkunmin dap jung dat gasa Wu Gyin Bo, Myen mung hkumhkrang shalan shakyang gon dap dap up tau Wu Myau Dan Htai re woion ningbo ni gagat shingjong hpang poi hta sa lom ma ai.

  Wui Gang go gagat shingjong hpang poi hta Miwa mung na woion ningbo malai tai nna mungga hko tsun u ai.

  Myau Htung sara usa go Myen mung na woion ningbo malai tai nna gagat shingjong hpang poi hta mungga hko tsun u ai.

  Gagat shingjong poi lom ai ni go yong grai gagat shaja masai hte maren, 2017 ning Miwa mung Myen mung Shuili一Muje mungkan ma-la-sung gagat shingjong poi hta kumhpa lu la ai ni go: Miwa mung masha Chyu Bo go la maga de na nambat 1 shingjong kumhpa lu la sai, Hkinniya mung na PAULINE·CHEPCHUMBA go num maga de na nambat 1 shingjong kumhpa lu la sai, Myen mung na Mau Gyin Bo go Myen mung do gagat shingjong ai hta na nambat 1 la maga de na kumhpa lu la sai, Myen mung na Ma Yi Ma Hkyu go Myen mung do gagat shingjong ai hta na nambat 1 num maga de na kumhpa lu la sai.