Shiga masa景颇新闻

Bungli hkringsa ganbu masha Shawa masha ni hpe sut su lam woi hkom

退休干部发挥余热 带领乡邻共同致富

时间:2017-12-14 17:27:49 来源:德宏团结报

  Shata 12 pro 8 ya shani, Mung-yang gat mare “Lengho ginwang bungli hkringsa ganbu masha ni buga de wa nna luidui si hpun hkai kasi dan shara”hta luidui si hpun hkai hpaji sharin shapan mu galo dat sai. Hpaji sharin sara go bungli hkringsa nna bu ga de ja gumhpro tam mu woi galo nga ai Mung Yen Fu re. Lenggo ginwang na bungli hkring sa sai ganbu masha ni nta buga de nhtang wa nna ja gumhpro tam mu galo hkrat wa ai bungli hpe madi shado, sahwa masha ni hpe sut su lam woi hkom hkrat wa rai na matu, Lengho ginwang pati rapdo zuphpo hpoung, ginwang pati rapdo gumgai dingla gon hkang dap ni go Mung Yen Fu hte jom bong jahkrup la nna,“Laksan mu galo ai hozoshe+pati dap ran dap+Sam amyu rapdo+Hkai hkai shara”Hkrang masa hku nna sharin shapan hkrat wa ma ai, shi a lachyum go bungli hkring sa sai ganbu ni hpe matsan shatong mu woi galo nna, shawa masha ni hpe woi sut su hkrat wa na matu rai nga ai. Sharin shapan lamang hta, Mung Yen Fu go tinang madu lo lo ning rai wa yang na luidui si hpun hkai ai hkum hkrum machyim ni hpe gapyon nhtom, luidui si hpun hkai, gon lajang na hpaji ladat ni hpe azin ayang tsun byan dan sai hte maren, luidui si hpun hkai masha ni madu hkai hkrat wa ai hta hkrum sha ai mayak mahkak lam san ai hpe tsun htai dan, galo madun dan, gat ya masa maram dan, wuisin hku dut sha, dat nu hku dut sha na lam ni tsun yan dan mung no rai nga ai. 2010 ning hta, Mung Yen Fu go Lengho ginwang logadat hpaji dap ko nna bungli hkring sa ai hpang, nta buga rai nga ai Mung-yang gat mare Bangleng mare salang rapdo ko wa nga nna, luidui si hpun bai wa hkai shalat ai re, shi go shong hpang rai nna La-li Pyinchon, Yisi Sinhpyin re shara hkan luidui si hpun hkai hpaji sa sharin la nna, tinang hkai shalat ton lu ai hte, shawa masha ni hpe nli gaja luidui si hpun bai woi hkai sa wa ai re, ya du yang, shawa masha ni hpe woi hkai ai luidui si hpun go mu 510 du nna, woi hkai ai masha go marai 400 jan du sai, daiko Matsan jahpan shang htinggo 34 lom nga ai. Nau son yu yang lahkong ning a hpang e go gumhpro lap wan 1.5 lu la na tai nga ai. Dai hta lai nna, Mung Yen Fu go Sam amyu rapdo hku nna nli gaja nokyu woi jashon la nhtom, hpaga lauban ni hte matut nna hkai shalat hkrat wa ma ai. 2015 ning hta, gat mare ting hta nli gaja nokyu go mu 800 jan hkai ton lu nna, gumhpro go lap wan 6 jan tam la sai. 2016 ning nambat langai lado hta mu 300 jan hkai nna, gumhpro go lap ri 1 lu tam la sai. 2017 ning hta nli gaja nokyu mu 790 jan hkai dut lu sai hte maren, lu tam la ai gumhpro go lap wan 5.8 du nga ai. Ndai lang sharin shapan hkrat wa ai lam hpe, namsi hkai masha ni grai ra sharong grai shagrau ya nga ma ai, shanhte go myit rum Mung Yen Fu hpaji sharin ya ai hpe grai na ra nga ma ai. Sharin shapan mu galo nna, shawa masha ni hpe luidui si hpun hkai hpaji shachye shachyang ya sai hte maren, luidui si hpun hkai shachyam hkrat wa na myit n-gun sharot ya sai.