Shiga masa景颇新闻

Sharin shapan rung mungdan amyu gonhkang rapdo ni Anhte mungdo ko amyu sharin shapan muhtam lam wa jep shadut hkom ma ai

司法部副部长刘志强在陇川调研时提出 深刻领会十九大精神 为边疆社会稳定做出更大贡献

时间:2017-12-08 09:09:08 来源:德宏团结报

  Ndai go jep shadut hpung ni Nshon hpaji atsang tso lapran tsang jong ko sa jep hkom nga ma ai re.

  Shata 12 pro 3 ya shani ko nna pro 4 ya shani du, sharin shapan rung amyu sharin shapan dap dap up Maulihti. Mansue mungdan sharin shapan rung, mungdan amyu gonhkang rapdo ni hpe wunhpom jep shadut yu gawan hpung woi zahpo la nna shong hpang rai sungchyung ai hte Nshon, Shuili, Mangshi re hkan, mungdo ting《Amyu sharin shapan jat lawan rotjat mu lam hte seng ai dodan》rung laika hpe galo shatup sa wa ai lam, amyu sharin shapan jat lawan rotjat sat lawat muhtam lam re hpe wa hkan jep shadut yu gawan hkom ma ai.

  Mungdo gaba sharin shapan rung rung up tau Jau De Rung, mungdo pati rapdo dinggrin salang, mungdo up tau Yen Wui Go re ni hkan jep dup shingnan lom hkom ma ai.

  Jep dup hkom ai laman, jep dup hpung ni go shong hpang rai Nshon ginwang amyu jong gaji, Janghkong hkumtsup lapran tsang jong, ginwang hpaji atsang tso lapran tsang jong hte Shuili myu nambat 3 ma gaji jong, Yinzin lapran tsang jong, myu amyu nambat 4 lapran tsang jong, Nongtau gat mare ma gaji jong, Sakhkung dakasu sara jong re hkan yu gawan hkom nna, ginwang do gat mare, gahtong hkan na nlo amyu nga zing ai shara na npot nhpang sharin shapan hte jong lung shong na sharin shapan sat lawat hpe madung rai sa jep shadut hkom ma ai.