Shiga masa景颇新闻

Hpyezhaipa de sa chyai ga

初冬,到芒市苤菜坝看漫山遍野的红叶

时间:2017-12-07 16:49:11 来源:德宏团结报

  Ningshung shang wa ten na Hpyezhaipa gara daram tsom a ni nga yang, dai shara hta go myit len ai shara rai nga ai.

  Ningshung ta shang wa ai hte go, gashung bang wa sai ga rai nga ai, ningshung ta na Hkpyezhaipa go mala la tsom nga ai.

  Lap hkye go bum ting pri rai mat sai.

  Garu gara nga ai myu ko nna gatsi zim ai Hpyezhaipa de du hkrat wa yang, myit grai zim pyo nga ai, bum hkan tu jong nga ai lap hkye go wan chyi grung nga ai zon rai nna, masa sa ai go, sa ahpum chyit di dat na zon nan nga nga ai.

  San tsom ai lamu ntsa, nmut numri hkrum yu sai lap hkye ni wa go tsun shara n nga hkra hkye tsom to nga sai. Yu dat yang azim sha rai num num sha rai to nga sai.

  Hpyezhaipa ko sa du jang, lap hkye langai hta la nna, sumtsan ga nga ai na myit dun masha ni hpe shagun dat na shum malap. Gashung la ai ningshung ta hta, tinang hpe dum ai masha nga yang myit gade pyo na rai nga ai.

  Ndai ko hkom du yang, don rai nna, bum hpe yu hka hpe bai yum, bum hkan na nga bainam yu, lap hkye hpun lapran hkan na samui ni hpe yu rai ga.

  Apa gaang ko tsap nna tsan tsan de yu dat yang, tsit tsom ai wadat shara hta, nga bainam ni abui aya sha rai nna washat di sha to nga ma ai. Bainam wanong hte nga gumra ni Hpyezhai pa hpe grau nna shatsom jahtap dat sai, shing rai yu dat yang, n shamu ai shaloi go sumla zon rai, shamu wa ai shaloi go ga shagop zon rai nga ai.

  Nam ntsa hkan hkom chyai nga yang, tinang lama nga gumra rem sha ai masha rai yang go nga gumra ni hpe shachyut gau gagat gumtong hkom yang mana maka pyo na re ngu ai myit shingran ran wa sai.

  Ningshung ta na Hpyezhaipa wa go, masha a myit hpe gang shagying myit len la shangun lu nga ai.

  Hpyezhaipa na ginhtong nsam go, tsom dik ai rai sai. Tsit tsom ai lamu ntsa de madat yu, san tsom ai hka hpe mada yu, samui yo chyai, laphkye shamu gasa ai nsen madat chyai...Hpyezhai pa go gaja wa tsom la ai shara nan rai nga ai.