Shiga masa景颇新闻

Nmut ntam shadoi Nhkre mare e nlung nnan lusha sama wai 2017ning Nhkre mare nlung nnan sha poi

松克加速蝶变 古村增添华彩——谷花飘香颂丰年 载歌载舞品新米

时间:2017-12-07 15:10:46 来源:德宏团结报

  2017 ning shata 11 nhtoi 29 ya shani go mali zinghkra nhtoi gaja nan rai nga ai. Nhkum krung ginwangdo, Sanhko ninghton, Nhkre mare ko hkik pong dik ai nlung nnan sha poi galo ma ai.

  Sinpro sinna ajut anu shagu de nna du hkum pru wa ai poi masha 1700 jan Nhkre mare ningnan ko gabu hkinnum lu sindai masin asu 2017 ning na nlung nnan jom hkri-on ma ai. Nhkre mare go amyu a htunghking ningli makop gaja dik ai bum ga Jinghpo gahtong re, ya yang asuya ko nna grai n-gun dat nna moi na htunghking ningli makop maga gaja ai Jinghpo gahtong go gap nga ding yang rai nga ai.

  Ndai lang na mam nnan sha poi hpe Nhkum krung ginwangdo asuya up Sun Shan Shan woi on, yungui pinra hpe Sakhkung sumla hkrung shiga dap Maji Mai Mai hte Maji No Htoi woion, shong nnan e Nhkum krung ginwangdo pati mu madu Li Kin Chyung hkalum mungga shaga nna, Yinkyang ginwang mungchying sha gasa zuphpong gaba dinggrin salang rapdo dinggrin mu gun salang ningtau mu madu Lahpai No, Yinkyang ginwang htunghking hpung a gong malai hkalum mungga sa shaga, Dumsa gaba Jaiwa No Nlung nnan shaman kungdon rai, mi na Sakhkung mungdo Mungchying sha gasa zuphpong gaba dingrin salang rapdo mu madu La-Sang Yo poi hpo ga shaman dat ya ai hte mam nnan sha poi hpe hpang wa sai. Nhkum krung mare buga shagu ni tsom la ai htunghking ka hkrang ni sa ka dan, yungui ninghking Aura Li, Aba di, Yo Mu Tsai ni htunghking mahkon sa mahkon hkalum, Htunghking madum sara kaba Manam Sharoi htunghking madum sumpyi hpe langai hpang langai sa dum dum shapyo dan ai, nhtu hkyen sara kaba Labang No San nhtu hkyen sa ka dan rai, grai pyo ai mam nnan sha poi hpe galo ma ai. Shing rai shani htunghking yu-ngui pinra na lamang ngut ai hte poi shawa masha ni yong htunghking manau bai jom nau la rai, nlung nnan bai jom mahkon hkri-on sha ma ai. Nlung nnan jom mahkon sha ngut ai hpang go htunghking htongka bai jom ka rai shana tup mung yu-ngui pinra hpe wuwu didi jom shapyo lai wa sai.

  Ndai lang na nlung nnan sha poi hta Yinnan mungdo gaba nsen shapoi sumla shiga shabra dap amyu ga shapoi hpung ko nna wuisin hte galang ta shabra ma ai.“Sak hkung datnu sumgon ta-lahpan na Sak hkung”mung galang ta hton shabra ma ai, shingrai, ndai lang na nlung nnan sha poi galo nga ding yang wuisin hpo yu ai masha mun 3 jan du nga ai.

  Ndai lang na nlung nnan sha poi ko sa du hkalum lom ai du gyi salang ni go: Mungdo asuya pati hpung salang Sung Yi Fa, Mi na Sakhkung mungchying sha gasa zuphpong gaba dinggrin salang rapdo mu madu La Sang Yo, Yinnan mungdo gaba nsen shapoi dap sumla hkrung shiga dap pati lakying ningtau mu madu Hpai Hua (Lahpai Ayung), mungdo mungchying sha gasa rapdo salang ningtau jare HkeLin Hkyang, mungdo asuya magam gun masha gonhkang dap salang hpong shingra ama hkam salang Kyang Gye Hua、mungdo magam gun masha sumrat salang Pau Hkong Lung, Mangshi Nbungli daru jakmu dap tingnyang up Li Hpyin, Yinkyang ginwang mungchying sha gasa salang rapdo dinggrin mu gun salang rapdo ningtau mu madu Hpai Gyen Hua(Lahpai No)、Yinkyang ginwang asuya up ningtau salang wa Yin Yu Shan, Yinkyang ginwang htunghking hpung ningtau ningbo Lahpai Brang Nu, Yinkyang ginwang Htunghking hpung ningtau ningbo Yo Gui Hkyen Nhkum (Nhkum Yo).

  Sa du hkalum ai rung hte wuhpung wuhpong ni go, Sakhkung mungdo asuya magam gun masha gon hkang dap, Yinnan mungdo gaba nbungli daru hpaga hpung Mangshi hpaga dap, Yinkyang ginwang hko shabra dap, Yinkyang ginwang hpaga dingga gonhkang dap、Yinkyang ginwang balik dap, Yinkyang ginwang labau laika mazing dap, Nshon ginwang Zhinzi gat mare Manmau ninghton, Yinkyang ginwang Hkrai bang yang buhkom hpaga dap, Yinnnan yinhkeng hpaga dap, Yinnan mungdo gaba Kyangnong ninghton hpaga dap, Yinkyang ginwang, Jinghpo Wunpong amyu sharot hpaji sumru hpung, Kyangsi ramma dap, Yinkyang ginwang, Jinghpo wunpong amyu sharot hpaji sumru hpung Hka shang hpung lakying ni, Yinkyang ginwang Jinghpo wunpong amyu sharot hpaji sumru hpung N hkum krung hpung lakying ni, Htaihpyin ginwangdo gat mare ni, Hka-shang ginwangdo gat mare ni, Na-bang ginwang do asuya gat mare asuya rung ni, Sama ginwang do asuya ni rai nga ai. Shingrai ndai lang sa du hkalum ai masha jahpan yong 1700 jan du ai.