Shiga masa景颇新闻

Htongseng mangai ngai Nhkre mare nsi naimam chyai

松克古村品新米

时间:2017-12-04 17:28:27 来源:德宏团结报

  2017 ning shata 11 nhtoi 29 ya shani go mali zinghkra nhtoi gaja nan rai nga ai. Nhkum krung ginwangdo, Sanhko ninghton, Nhkre mare ko hkik pong dik ai nlung nnan sha poi galo ma ai.

  Sinpro sinna ajut anu shagu de nna du hkum pru wa ai poi masha 1700 jan Nhkre mare ningnan ko gabu hkinnum lu sindai masin asu 2017 ning na nlung nnan jom hkri-on ma ai. Nhkre mare go amyu a htunghking ningli makop gaja dik ai bum ga Jinghpo gahtong re, Ya yang asuya ko nna grai n-gun dat nna moi na htunghking ningli makop maga ai Jinghpo gahtong go gap nga ding yang rai nga ai.

  Ndai lang na mam nnan sha poi hpe Nhkum krung ginwang do asuya up Sun shan Shan Shan woi on, yungui pinra hpe Sakhkung sumla hkrung shiga dap Maji Mai Mai hte Maji No Htoi woi on nna, shong nnan e Nhkum krung ginwang do pati mu madu Li kin Chyung hkalum mungga shaga rai nna, Yinkyang ginwang Mungchying sha gasa zuphpong gaba dinggrin salang rapdo dinggrin mu gun salang ningtau mu madu Lahpai No Yinkyang ginwang htunghmking hpung a gong malai hkalum mungga sa shaga, Dumsa gaba Jaiwa No Nlung nnan shaman kungdon rai, mi na Sakhkung mungdo Mungchying sha gasa zuphpong gaba dingrin salang rapdo mu madu La Sang Yo Poi hpo shaman ga shaman dat ya ai hte mam nnan sha poi hpe hpang wa sai. Nhkum krung mare buga shagu ni la sa ai tsom la ai htunghking ka hkrang ni sa ka dan, yungui ninghking Aura Li, Aba di, Yo Mu Tsai ni htunghking mahkon sa mahkon hkalum, Htunghking madum sara kaba Manam Sharoi htunghking madum sumpyi hpe langai hpang langai sa dum dum shapyo dan ai, nhtu hkyen sara kaba Labang No San nhtu hkyen sa ka dan rai, grai pyo ai mam nnan sha poi hpe galo ma ai. Shing rai shani htunghking yungui pinra na lamang ngut ai hte poi shawa masha yong ni htunghking manau bai jom nau la rai, nlung nnan bai jom mahkon hkri-on sha ma ai. Nlung nnan jom mahkon sha ngut ai hpang go htunghking htongka bai jom ka rai shana tup mung yungui pinra hpe wu wudi di jom shapyo lai wa sai re.

  Ndai lang na nlung nnan sha poi hta Yinnan mungdo gaba Nsen shapoi sumla shiga shabra dap amyu ga shapoi hpung ko nna weisin hte galang ta shabra ma ai. "Sakhkung datnu sumgon ta-lahpan na Sakhkung" mung galang ta hton shabra ma ai, shingrai, ndai lang na nnan sha poi galo nga ding yang weisin yu ai masha mun 3 jan du nga ai.

  Ndai lang na nnan sha poi ko sa du hkalum lom ai du gyi salang ni go: Mungdo asuya pati hpung salang Sung Yi Fa, Mi na Sakhkung mungchying sha gasa zuphpong gaba dinggrin salang rapdo mu madu La Sang Yo, Yinnan mungdo gaba Nsen shapoi dap sumla hkrung shiga dap pati lakying ningtau mu madu Hpai Hua(lahpai Ayung), mungdo mungchying sha gasa rapdo salang ningtau jare HkeLin Hkyang, mungdo asuya magam gun masha gonhkang dap salang hpong shingra ama hkam salang Kyang Gye Hua、mungdo magam gun masha sumrat salang Pau Hkong Lung、Mangshi Nbungli daru jakmu dap tingnyang up Li Hpin, Yinkyang ginwang mungchying sha gasa salang rapdo dinggrin mu gun sapdo salang ningtau mu madu Hpai Gyen Hua(Lahpai No)、Yinkyang ginwang asuya up ningtau salang wa Yin Yu Shan, Yinkyang ginwang htunghking hpung ningtau ningbo Lahpai Brang Nu, Yinkyang ginwang Htunghking hpung ningtau ningbo Yo Gui Hkyen.

  Sa du hkalum ai rung hte wuhpung wuhpong ni go, Sakhkung mungdo asuya magam gun masha gon hkang dap,、Yinnan mungdo gaba nbungli daru hpaga hpung mangshi hpaga dap, Yinkyang ginwang hko shabra dap, Yinkyang ginwang hpaga dingga gonhkang dap、Yinkyang ginwang balik dap、Yinkyang ginwang labau laika mazing dap、Nshon ginwang Zhinzigat mare Manmau ninghton, Yinkyang ginwang Hkraibang yang buhkom hpaga dap、Yinnnan yinhkeng hpaga dap、Yinnan mungdo gaba Kyangnong ninghton hpaga dap, Yinkyang ginwang、Jinghpo Wunpong amyu sharot hpaji sumru hpung, Kyangsi ramma dap、Yinkyang ginwang jinghpo wunpong amyu sharot hpaji sumru hpung Hka shang hpung lakying ni, Yinkyang ginwang Jinghpo wunpong amyu sharot hpaji sumru hpung Nhkum krung hpung lakying ni, Htaihpyin ginwang do gat mare ni, Hka shang ginwangdo gat mare ni, Na bang ginwang do gat mare ni, Sima ginwang do ni rai ma ai. Shingrai ndai lang sa du hkalum ai masha jahpan yong 1700 jan du ai.