Shiga masa景颇新闻

Manghai mung jarit shara: Gaga lai re gumgai dingla poi

2.芒海边境:一场别样的重阳节活动

时间:2017-11-14 16:35:04 来源:德宏团结报

  Gumgai jan hpe lago gashin ya nga ai.

  “Mayu e go shinggan hkan kanbau bungli tam galo hkom nna, nu hpe n lu garum ai, daini nu hpe lago shin ya nna, nu a bau maka chyeju htang ai mung rai nna, shi hkam hkam ja ja rai na hpe myit mada ai mung rai nga ai.”Manghai gat mare Myinzi shan gahtong na Hon Chyi tsun ai. Ndai go shata 10 nhtoi 25 ya shani na gumgai dingla poi jom pyo lai ai shaloi ganu gawa ni hpe lago shin ya ai lamang hta, shinggan de bungli tam galo hkom ai shayi sha tsun ai ga re.

  Gumgai dingli ni hpe hkungga lara ai htung lai matut lang hkrat wa, gumgai dingla ni hpe angui apyo rai nga shangun na matu, daining na gumgai dingla poi hta Mangshi myu kunghpan maka hkum hkrang shakyang nsen shapoi dat sumla hkrung bu hkom dap ni go Manghai gat mare ni hte jom gumhpon la nna, ganu gawa ni hpe tso ra maka ai amyu myit hkrum shata lamang galo dat sai.

  Nba lam, myan shadu, lago gashin ai mu galo ai hta, gasha num gasha, gasha la gasha, ganam ni grai she kyin nga ma ai, shanhte go akyet kyet rai nna kyin she kyin nga masai.“Ndai go ngai nam gaba re, shi ngai hpe grai hkungga ai, mayu e ngai machyi mako rai yang hka du jo, hka shin ya rai, galo gashin ya ai mung lat lak re.”Labang gumgai jan myit mi adik nga nna tsun ai.

  Pyo la ai mahkon mangui, tsom la ai zat, masha hpe yu mani shangun ai sagoi re pogram ni go gumgai dingla poi hpe grai shapyo kau dat sai, grau nna go《Utong pyen rot》ngu ai zat go mana maka tsom ai rai nna, yong yong lahpok hte pre nga nna yu nga ma ai.