Shiga masa景颇新闻

Mun lam du ai shayi num ni gumhpro n pru ai sha bajat mahka ginsa ana jep la lu sai

上万妇女免费宫颈癌筛查

时间:2017-09-25 10:11:08 来源:德宏团结报

Yinkyang ginwang num ma tsi rung yo shada shangai shaprat muhtam hpung ni aten shata 2 laman hta, ginwang ting na gat mare 15 na sak 25—64 re num wa sai hkaimu gahtong shayi num ni hpe jahpu n la ai bajat ginsa ana jep ya nga ma ai.

Ana jep ai laman hta, marai 2733 ni hpe mayat hking hku jep ya, marai 1687 ni hpe bajat ko nna di hkrat yu wa ai sainu jep ya, marai 459 ni hpe bajat gata na hkrung rai hkrang jep ya, bajat mahka ginsa ana htang maja tsi lajang laika 10347 htuk shabra rai sai. Jep nsi hta mu lu yang, ya yang, ana lu ai masha marai 184 du, bajat mahka hpye ana lu ai masha marai 49 du rai nga ai, shing rai masha marai 10327 ni hpe ana jep ya sai hte maren, ana jep bungli ngut shadang go 103.5% du nhtom, mungdo tsang ko nna shayu dat ai yi-ngam hpe shadang hta lai hkrat galo shangut dat lu sai.

Bajat mahka ginsa ana go shayi num ni a mayat hking ko na mu ga dik ai, machyi shadang hte si shadang tso dik ai bong lapau ana re hta n-ga, ana lu shadang mung laning hte laning lo jat wa nga ai. Ndai lang na ana jep ai hta, ginwang ting na shayi num ni hpe mayat hking hkumja na matu ama hkam ya, hkaimu gahtong shayi num ni hpe bajat mahka ginsa ana jau jep jau tsi lajang la shangun, bajat mahka ginsa na hta si mat ai shadang shayom kau ya rai lu sai. Ana jep mu ndai go ginwang ting na lohtam ai hkaimu gahtong shayi num ni hte hpong shingra ko nna shakon shagrau ai hkrum sai.