Shiga masa景颇新闻

Sakhkung mungdo ni“Mungdan ting na shadang madang shata”hko shabra mu lamang galo hpang sai

德宏州“全国质量月”宣传活动启动 2. 图片新闻

时间:2017-09-11 16:04:56 来源:德宏团结报

  Shata 9 pro 5 ya shani, Sakhkung mungdo 2017 ning na“Mungdan ting na shadang madang”hko shabra mu lamang galo hpang ai hte Shuili myu“ Mungdan ting na lungseng kunghpan maka magam mying danhkong nsi shalat kasi madun shara”masat hpong go Shuili myu ko galo dat sai. Mungdo pati rapdo dinggrin salang, mungdo up ningtau Yan Wui Go masat hpong hta sa lom u ai.

  Yan Wui Go lajin ai, mungdo ting ni prat lak nnan na shadang madang hte mying gaba ai gatrai nsi ni shalat bungli go ahkyak dik ai re chye ton ra ai, dai majo, bungli ndai hpe grau ahkyak ai hku galo hkrat wa ra nga ai, asuya ko nna myit maju jung ai gata hta, hpaga gat lok ni hte shawa masha yong ni mung shadang madang gaja ai rungrai galo shapro hkrat wa na hta n-gun atsam jom dat sa wa rai ra nga ai.

  Galo hpang masat hpong hta, Ningdo 5 lang Sakhkung mungdo asuya shadang madang gon hkang arong kumhpa lu la ai hpaga rung, 2016 ning Yinnan mying brong ai gatrai, ningdo 4 lang Sakhkung mying brong ai gatrai hte mungdo gaba mungdo shadang madang kasi madun rungdap re ni hpe arong kumhpa htuk ya ma ai. Bai shadang madang jep dap, jakmu hpaga gonhkang dap, tsi mawan jep dap re ni mung seng ang lam sa hko shabra lai wa masai.