Shiga masa景颇新闻

Anhte mungdo ni shata 9 pro 1 ya shani ko nna modo lakmat mari yang amying hte hkrak rai ra sai

德宏人注意了!9月1日起,不带身份证连客车都坐不了

时间:2017-09-11 09:26:33 来源:德宏团结报

  Matpongtin hte modo lakmat mari nga ai.

  Shata 9 pro 1 ya shani ko nna go, anhte mungdo hta mung manam modo lakmat mari yang madu a myinghte hkrak rai ra sai. Shika masha ni jahpot manap grai jau ai ko nna manam modo rung de sa du yang, modo lakmat mari nga ai shawa masha ni go tinang a matpongtin la shapro nna matsing la shangun nga ma ai.Modo shang dung ai chyinghka lam makau ko mung“2017 ning shata 9 pro 1 ya shani ko nna Mangshi manam modo daru hta lakmat mari yang amying hte hkrak rai ra sai”nga ai shawa shadum laika pa ton da ma ai. Lung Lin ko nna Mangshi e gogap bungli sa galo nga ai Wang Gyin Htang ning nga tsun ai, tinang a amying hte hkrak re lakmat lu yang she myit ko ai htep nga ai .

  Hkrunlam hto sa dap ni ningnan bai gram nna shapro ai《Hkrun lam manam hto sa na hte modo daru gonhkang na dodan lam》hta hkan nna, daining shata 3 pro 1 ya shani ko nna, anhte mungdo hta manam modo lakmat mari yang madu a mying hte hkrak rai ra sai. Mying hte hkrak rai mari dung ra ai manam modo go anhte mungdo ko nna rot ai manam modo shing nrai mungdo gaba, myu, ginwang na manam modo(Hkaimu gahtong hkan gagat ai manam modo ko nna lai ai)yong rai ra ai.

  Matpongtin hte modo lakamt mari ai hpe manam n kau mi go myit n hkrang nga ai, dai hpe modo lakmat dut ai muhtam masha ni atsom hkap hko tsun dan ra ai, ndai zon re ladat go shawa masha ni a sak sumri sut rai makop maga hkrat wa ai hta akyu grai rong ai bungli rai nga ai.

  Bai tsun shadan ai lam go, mying hte hkrak rai modo lakmat mari ai htung lang hkrat wa ai hpang ko nna go, shawa masha ni modo daru shagu hta lakmat sa mari ai shaloi matpongtin nan lang sa ra sai, datnu shingwang ko mari tim maren sha re, bai lakmat la ai shaloi mung matpong tin hte sa sho la ra ai.