Shiga masa景颇新闻

Lasi hkai ladat(7)

种豆方法(7)

时间:2017-08-11 10:01:58 来源:德宏团结报

  Lasi hpun ana hte lasi hpun shaza ai shingtai ni hpe go lawu na ladat ni hte mai htang maja sat shamyit kau ai: 1. Ana htang n-gun ja ai bo nli lata hkai ra ai; 2. Nli hpe tsi hte lajang kau shing n rai ana n rong ai nli lata hkai na; 3. Hpa-ji ladat hte hkai ra nna, yi pom, tsing magang kau rai nhtom, lasi yi hkan hka n mai ing shangun ai, linson ehkyingya(磷酸二氢钾) lu gat bang yang lasi hpun a ana htang n-gun shaja ya lu ai; 4. Lasi yi ko tsi gat ra ai, grau nna ana nnan sha no byin wa ai ten hta lawan lu gat yang grau mai ai. Ga shadon: Lap ka ana hpe go 50% re ai dogyinlin shing n rai gyagyi htobuzin(甲基托 布津) hpe yi kunghkyin mi hta kungkyin 1~ 0.75 daram gat bun na, shubyin ana hpe go 50% re ai wuishulin ruyu(萎锈灵乳油) ko hka htam 800 pau bang nna gat bun na, shing n rai 15% re ai sanzohtung(三唑酮) ko hka htam 1000~1500 daram pau bang nna gat bun tim mai ai. Daduya shingtai hpe go shingtai gasha nnan byin wa ai aten hka sat lajang kau yang grau mai ai, ndai bo shingtai hpe go yi kunghkyin mi hta 40% re ai logo haushin 1500, shing n rai 50% re ai sinlulin ruyu(辛硫磷乳油) gat bun na, dadu shisin shingtai hpe sat na rai jang, yi kunghkyin mi hta 2.5 re ai dishasi ruyu(敌杀死乳油) haushin 300 ko hka htam 1000 mi pau bang nna gat bun na. Lasi hpun ko tu gayop nang ai htusizi ana tsing hpe htang na rai jang 48% re ai loan ruyu(乐胺乳油) hte 30% re ai anzhaulin ruyu(胺草磷乳油) ko hka htam 100~ 200 daram di pau bang nna, apu nnan pu wa ai ten hta gat bun na. Gara bo tsi mi rai rai shi a shadon shadang hte tup tup di lang ra ai.

  Lasi shu la na hte hkong mazing ton na lam. Lasi shu aten hte lasi shu ladat go shara hte shara n bung hkat nga ai, masha nan dan la na rai jang lasi ma-hkra htoi htoi ra kung myin ai hpang mai shu la sai. Lasi hpe go 5~7 ya daram dan lam ton nna she mai dup la ai, jak hte shu la na rai jang lasi myin ra nna alap run hkrat mat, lasi hpun hkinlang loi chyang chyang rai wa jang mai shu la sai. Lasi dup la ai hpang lam jahkro kau nna nbung nsa hkrang ai shara ko atsom hkong mazing ton ra ai, dai lasi hkong mazing ton ai shara na gahtet gatsi shadang nong e jep yu ra ai. Nli shatai na lasi hpe go atsom lata la nna nsa n hkrang ai balasatik buri zon re hte atsom htup makai kau ra ai.