Shiga masa景颇新闻

Jinghpo ma gasha Lui Zahkong grai n loi nga ai

景颇少年刘则况

时间:2017-08-11 09:16:35 来源:德宏团结报

  ma gaji ni hpe myit tsang mu galo rapdo ni madung galo ai mungdan ting na lam manga gaja ma gasha “Tsom htap jong wang·Anhte go manang gaja re”ngu ai hpe lachyum madung shatai ai ga hko tsun shingjong poi go, shata 7 nhtoi 28 ko nna 30 ya hta Bekyin ko galo dat sai, Yinkyang ginwang Mangjang ginwang do Nanniba jong gaji na Jinghpo ma gasha Lui Zahkong go grai hkrak hkra wa lu hko tsun nna, shingjong masha 64 ni ko na grau wa dan ai shingjong masha langai re hte rau, jahtum e Yinnan mungdo gaba a gasa hku nna alak arong lu la sai.

  Ya jong gaji tan 4 rai sai Lui Zahkong go bu da ma langai rai nga ai, shi hko tsun ai laika bo go《Tsom htap jong wang·Anhte go manang gaja re》ngu ai re, madung go tsom htap ai jong wang hte jong wang gata hta yong mayong shada da garum shingtau la hkat, yak hkak lam jom shakut lai re masha ni a sindai masin ahtu hkra ya ai maumui hpe tsun shadan dan ai rai nga u ai. Lui Zahkong go mungdo gaba tsang hko tsun shingjong ai hta nambat langai arong lu la nna, Yinnan mungdo gaba a gasa hku ndai lang na mungdan ginhkyom shingjong hta bai wa lu lom ai re. Mungdan ting na ginhkyom shingjong hta, ra n rong hkra mana maka hkrak ai hko tsun lu ai majo, jahtum e alak arong lu la sai.

  Ndai lang na hko tsun shingjong poi go jong gaji hte lapran tsang jong na jong ma ni hpe n-gun jo, Yinkyang ginwang ni sharin shapan bungli hpe ahkyak la ai lam shadan shaleng rai nna, jongma ni hpe myu shagu hpaji sharin hka ja la hkrat wa shangun, mung htingrep nlo amyu sha ni nga shanu ai shara na bu da ma ni a matu gaja a kasi kanan galo dan rai sai.