Shiga masa景颇新闻

Kam ram ai masha gaja 一一Sakhkung mungdo Kyinhta modo wunli jep dap ningbo Tung Min Gye a lam

靠谱的老实人——记德宏州金塔机动车安全技术检测站站长董明杰

时间:2017-07-13 10:39:46 来源:德宏团结报

                                Tung Min Gyen modo madu hpe wunli jep lam matsun dan nga u ai.

  “Modo jep dap shang na shong e, ngai lungseng tok sama mu galo yu, nga rem yu rai nngai, dap ndai ko shang ai hpang, ngai galo mayu ai bungli go ndai she rai nga a hka!”Nga nna Tung Min Gyen tsun nga u ai.Shi a mu htam hkrun lam go grai yakhkak lai wa yu sai.

  2000 ning shata 10 hta, Tung Min Gye go jinghku ni shachyen ya nna nnan sha no galo hpang ai Sakhkung mungdo Kyinhta modo wunli jep dap ko bungli sa galo nu ai.Shi shakut shaja ai nga yang, mayu na mu htam masha ko nna jep shin masha hte jep maram masha tai lu sai. Shang wa ai ko nna ya daini du yang shi go modo woi shalen masha, modo hkum shinggan maga jep masha, jahpan matsing masha, sen woi htu masha galo lai wa yu sai. 2009 ning shata 1 hta, shi bungli galo kyet shop, yi-ngam nsi lo wa galo shapro nna, dap ningbo tai lu sai.

  Gade ning rai wa yang, Tung Min Gye go seng ang hpaji sharin hka-ja na hpe n malap nga u ai sha n-ga, ningdo atsang jep dinglik lakmat hte jep yu lakmat mung lu la nu ai. Magam bungli hpe kang kang ka ka rai galo hkrat wa ai Tung Min Gye go,shawa masha myit dik na hpe mu htam bandung shatai nga u ai, modo sa jep shin ai shawa masha ni manu na matu, shi go mungdo shawa wunli hkrun lam balik dap kying modo gon jep tek dap ni hte sharum la nna, shani gaang hta mung n hkringsa ai sha shawa masha ni hpe bungli hkap galo ya rai ma ai.

  “Masha ni garum hpyi ai sha nga jang, ngai byin mai ai hte garum la nngai”. Galang mi n a hkrun lam wunli dap ni woi galo ai bum lung shingjong poi hta, Tung Min Gyen go Shang banwa gahtong na hkaimu masha htinggo lahkong masum ni grai matsan ruyak ai wa mu nna, dap na mu htam masha ni hpe woi lang rai n-gu hte sau ni wa kumhpa da masai hta n-ga, n-gun mung no wa jo da ma ai.

  No gaji ai ko nna Tung Min Gye go manang ni hpe grai garum kam ai wa re, jongma manang, mano manang ni shi hpe garum hpyi jang galoi mung n ningdang yu nga u ai. Shi go kyet shop ai mu htam masha langai re, htinggyeng myit n rong, tinang a sum ong hpe n nga ai, shawa masha a akyu ara sha myit ai, shawa masha yong kam lu ai masha gaja langai rai nga u ai!