Shiga masa景颇新闻

Mungkan laika hti nhtoi hta maigan jongma ni hkai ai maumui jom madat

世界读书日,停留学生讲故事

时间:2017-05-08 18:39:32 来源:德宏团结报

  Gaja arong kumhpa lu ai ni.

  Shata 4 nhtoi 22 ya shani, “Miwa mung hkringhtong htaphtuk sari hkam sha, maumui mausa madat let gaba wa” ngu ai hpe lachyum madung shatai ai “Miwa ga mahkrai” lamang ko na maigan jongma maumui hkai shingjong poi go Sakhkung sara kolik jong ko galo lai wa sai.

  Mu lamang hta sa lom ai amat jo sara ni go maigan mung h te pong galo jom htinglet dap ningbo Yi Shan Shan, dap up ningtau Chyang Yi Byin, Miwa laika sharin hpung mu madu Chyang Lui Mui, Sara Sun Lui, sara Hkye Se Len ni re. Dai shara hta sa du lom ai manam go Sakhkung Sinhua laika dut seng gung mani na ningbo ni rai ma ai, shanhte sa garum jo ai Sinhua laika seng laika hti lakmat go jongma ni hpe mana maka gabu shangun nga ai. Bai nna ndai lang na lamang hta lom ai go 2016 ning hta shang wa ai maigan jongma hpung lahkong na jongma ma hkra hte hte, maigan jongma hpung madu sara, Miwa mung hte maigan mung wunhpom rapdo na jongma ni re masha marai 100 jan ni rai nga ai.

  Yi Shan Shan shingjong lamang hta “Ndai lang ning rai nna maumui hkai shingjong poi galo ai ko nna go, jongma ni madu a Miwa ga madang shatso la, madu a hpaji madang hpe masha man de shadan shadong dan, Miwa ga tsun shaga n ten shaja la re hte rau, jongma ni shani sha- gu laika hti shakut, laika lachyum htai, laika hpe sara gaba shatai, prat tup laika hti shakut hkrat wa na hpe myit mada ai” nga tsun u ai.

  Ame shong mano la ai ko hkan nna, Myen mung hte Lau mung na jongma marai 13 ni go buhpun atsom mon sumli la nna langai hpang langai rai shingjong punra hta maumui lung hkai shingjong hkat hpang wa masai. Shingjong shara hta la-hpok hte pre, mani hte ro nga, lo htam ai sara jongma ni go maigan jong ma ni sharin lado langai mi jan hta sharin la lu ai nsi hpe grai yu gabu ya nga ma ai. Jahtum e, Myen mung jongma Sai An Lai ngu ai Sam gasha go 《 Nampan gumhpan gaman pon ai ma gasha》ngu ai maumui hkai nna nambat langai lu la sai.

  Miwa laika sharin hpung na sara Sun Lui jahtum e ginchyum ga dat ai shaloi, jongma ni sharong shara rai shakut sharang let Miwa laika ding yang sharin achyin la hkrat wa nna grau gaja ai nsi lu la na matu myit mada ai nga nna n-gun jo dat sai.