Shiga masa景颇新闻

Shali laika ka shalat ninghkring shali laika ka masha ni shawa htung hking laili sok hkom ma ai

.德宏州作协作家到民间采风

时间:2017-05-08 18:32:06 来源:德宏团结报

       De-ang num hkohkam htingnu htingra ningsa ko datbung jom dem ai shaloi.

  Madu buga na shali laika ka ninghkring shali laika ka masha ni hpe grau lo ai hpong shingra machye machyang lam gahkyin gumdin la shangun, shanhte a shali laika ka myit jahpo jahprang ya na matu, shata 4 nhtoi 21 ko nna 23 ya hta, Miwa mung shali laika ka shalat ning- hkring rapdo masha, Yinnan mungdo gaba shali laika ka ninghkring shalat rapdo masha, Sakhkung mungdo shali laika ka shalat ning- hkring rapdo tingnyang up, shali laika ka ninghkring Ma Bok woi ningbo ai Sakhkung mungdo shali laika ka shalat shawa htunghking laili sok shinggyin hpung ni go Nshon ginwang hte Yinkyang ginwang hta shawa htunghking laili labau sok sagon hkom lai wa masai.

  Ya du wa hkyem ai ningdo hta na “Yinnan shali kaika gaja kumhpa”, “Mungdan nlo amyu gyinma kumhpa”, “Mungdan ma hti laika kumhpa”, “Lu Sin shali laika kumhpa” a mahkau e shali laika ka shakut hkrat wa na matu, Sakhkung mungdo shali laika ka shalat ninghkring rapdo ni go Sakhkung mungdo na shali laika ka ning- hkring hte shali laika ka masha nkau mi hpe zuphpo la nna, ndai lang na shawa htunghking laili woi sok sagon hkom ai re, madung go shali laika ka ninghkring hte shali laika ka masha ni hpe Sak- hkung hta tot pru wa lu ai shali laika ka na myit sharot ya, Ding hkung mu madu Si Gyin Hpyin a shali laika ka bungli hte seng ai “Shali laika a sak sumri hte mungdan a sak sumri jom gindun, shali laika rusai hte mungdan rusai jom matut” ngu ai ahkyak ga lachyum hkan shatup sa wa, Shuili myu majen je hpaga lam hpo shara hte “Hkarang hpaga lam hte panglai hpaga lam” galo maden hkrat wa ai lam lom ai shali laika gaja ka shakut hkrat wa shangun lu rai na matu re.

  Nhtoi 21 ya shani, shawa htung hking laili sok hpung ni go Mangshi myu ko nna Nshon ginwang ko sa du nna, Janghkong gat mare De-ang gahtong Fuishunha na Lung-yang hta gongngu ko shong sa yu hkom ma ai. Dai hpang Chinzi gat mare Ba-da bum pungding na 1400 ning du sai De-ang num hkohkam htingnu htingra ningsa ko bai lung yu hkom ai hte rau, Nshon To nta ni a samdu htingnu hte hpara jong ningsa ko sa yu hkom sai. Nhtoi 22 ya shani go Yinkyang ginwang Nongjang gat mare Pyenfu mare lasang rapdo Htangjang gahtong, Nongjang gat mare Mohin mare salang rapdo Munjanghtai gahtong magui myu htingra ningsa, Hpyin-yang gat mare lawu Manjang gahtong, Gyuchin gat mare Tungpyin mare salang rapdo Baijang gahtong re magui hte seng ai gahtong hkan sa yu hkom nna, magui myu na labau maumui ni san jahkrup yu lai wa masai. 23 ya shini go, Sinchin ko na noikrat hpun ganu, Tau An Rin lupba, Tau An Rin a dinghput hkan sa hkan yu hkom ma ai. Matut nna shanhte go Gyuchin gat mare Gyuchin mare salang rapdo Tajai gahtong ni galo jahkrak ai buhkom yu chyai shara Shangehu hka nong hte hku shi lahkong hka hpok (Shi er yen tsin) ko bai sa yu hkom ma ai. Shanhte go mu la chye la ai lam ni hpe atsom dem la ka matsing la rai masai hte maren, shali laika ka shalat sa wa na matu machye machyang lam shalo la lu sai.

  Yu hkom ai laman hta, Ma Bok go shali laika ka shalat shawa htunghking laili shagyin hpung masha ni hpe tsun dan ai, shali laika ka masha langai byin tai wa lu na rai yang, laika lo yu, laika gaja yu, sat lahkam htot, n-gup hpo nna, lo hkom lo san rai ra ai hta n-ga, laika lo lo no ko shaman ra ai, shing rai yang she hti masha ni hti kam ai laika lu ka shapro ai.