Shiga masa景颇新闻

Hko tsun hpung ni Hpyinshan ko du sai

“五用”宣讲团走进平山

时间:2017-01-09 18:07:39 来源:德宏团结报

  Shata 12 nhtoi 20 ya jahpot, mungdo hko tsun hpung masha, mungdo pati rapdo sanseng chyoi pra sharin shapan gon lajang dap ningbo Lu Sho Tung go Lengho ginwang Hpyinshan ginwang do Shanghotung mare salang rapdo Hkyimujai gahtong ko sa du nna, mung shawa masha ni chye madat ai aga hte pati a ningdo 18 nambat 6 lang hkumra zuphpong lachyum mungga hko tsun dan u ai.

  Hkyimujai gahtong go shagong bumga Wa amyu gahtong rai nna, htinggo 41, masha marai 114 du nga ai. Hko tsun ai hta, Lu Sho Tung go zuphpong hpo wa ai lam, ganing rai nna pati masha machying langai tai wa na ngu ai lam, mungdan ko nna mop lu mop sha mu hpe ning hkap hkrat wa ai lam ni hte, ningdo 18 nambat 6 lang hkum ra zuphpong lachyum mungga hpe asan sha hko tsun dan sai. Dai hte rau, Lu Sho Tung go, anhte pati masha ganbu ni ganing rai nna pati masha majing byin tai wa na ngu ai hpe atsom myit maram, sharin la hkrat wa ra ai nga nna mung lajin dat sai. Hkyi mujai gahtong pati masha hte shawa masha ni go hko tsun ai hpe atsom madat mara la sai hte maren, hko tsun ngut ai hpang myit lu lam ni mung no jom tsun dan hkat masai.