Shiga masa景颇新闻

Sakhkung Jinghpo Wunpong amyu sharot hpaji sumru hpung 2016 ning shaning ginchyum dat hpong

,德宏州景颇族进步发展研究会.在芒市召开

时间:2017-01-09 18:01:17 来源:德宏团结报

  2016 ning shata 12 nhtoi 26 ya shani Sak- hkung mungdo hte mungdo gata ginwang myu shagu de nna du sa ai Ningbo ningla ni hte htunghking hpung masha, kaga amyu htung- hking ko nna sa du hkalum ai masha ni yong 400 jan du hkum nna Mangshi myu pati rapdo rung zuphpong gok gaba e wu wu di di galo la sai.

  Zuphpong hpe Mungdo asuya up ningtau salang Li Jin Hkon(Magui La San) woi nna, Shong nnan e mungdo mungchying sha gasa zuphpong gaba dinggrin rapdo mu madu, Sakhkung Jing- hpo Wunpong amyu sharot hpaji sumru hpung hpaji jo ninghpum salang Yi Ma Yo (La Sang Yo), hkalum mungga sa tsun ai hpang, Mangshi myu asuya up ningtau, Sakhkung mungdo Jinghpo Wunpong amyu sharot hpaji sumru hpung ningtau up salang Sun Hkong Lum, anhte Miwa mung gata manau hpe aten masat masa n nga ai, ginra shagu majoi manau shalo rai amyu sha ni a sutgan grai ginrut machyi hkra ai hta n-ga, bungli bung rang grai hprai ai, manau a htunghking madang mung grai nyem mat wa ai nga ai, ndai zon re ginlam hpe du na shaning ko nna go gram sharai mat wa ga ngu ai sumtang sa tang ai. Matut nna go Sakhkung mungdo Pati rapdo dinggrin mu gun salang Sakhkung mungdo asuya up nong e mu gun ningtau salang, Sakhkung mungdo Jinghpo Wunpong amyu sharot hpaji sumru hpung ningbo Hkung Lagam, 2016 ning na htunghking hpung gata galo lai wa sai, magam bungli hte no matut galo sa wa na lam ni sa hko tsun u ai.

  Zuphpong hta hpaji jo ninghpumg salang wa La Sang Yo tsun ai: “Htunghking hpung ni mungdo asuya a ding hpring ai jasat jasa hte woi on ai gata, 2016 ning hta Sakhkung manau wang go gap re bungli gaba tsomra lu galo la lai wa sai, ma- tut nna Sakhkung mungdo Jinghpo Wunpong amyu sharot hpaji sumru hpung ningbo ningla ni matut nna galo sa wa ai amyu sha magam bungli ni hpe grai kangka ai hku galo saw a ra ai”nga ai. Salang wa Hkung Lagam ginchyum dat mungga hta: “Ya yang amyu sha ni yong go lusu nga mai magam bungli hpe madung dat nna shakut nga ai ten re, amyu sha ni myit hkrum mangrum rai amyu a lu lom lam hpe madung dat nna shakut hkrat wa ga, Sakhkung mungdo Jing- hpo wunpong amyu sharot hpaji sumru hpung ni ya yang gadai mung madu a seng ang ai lit hpe asan sha myit shakru la nna amyu sha galu gaba lam, htunghking ningli makop maga sok gyin ai lam re ni magam bungli hpe aja awa shakut sa wa ga.” nga u ai.

  Zuphpong hta Mungdo seng ang ai pati asuya hte htunghking ningbo ningla La Sang Yo, Hkung Lagam, Magui La San, Labang No Ja, Sun Hkong Lum re ni sa du dung hkalum ma ai.