Hpungtang hpaji ginra景颇科普

Aten na na manap shat n sha ai ni sadi ra sai!

长期不吃早餐有多可怕?"慢性自杀"的凶手,它排第二位!

时间:2020-07-28 14:36:32 来源:德宏团结报

  Hkrit hpa langai: Shana shanang hkying 12 hpang e yup ai ni

  Aten na na yup n hkru ai ni go hkum- hkrang hta ana htang n gun yom mat wa nna, ana amyu myu chye machyi wa nga ai, ga shadon sai tso ana, salum ana, jitdui ana re ni byin wa ai hta n-ga, ginsa ana ok wa na madang mung tsom ra tso nga ai.

  Bai nna jau jau n yup yang mung pu kan ni atsom nlu hkring sa ai majo hkumhkrang hpe grai wa-hkye hkra nga ai, shing rai sagon yu ai hta madun ai, yup ai aten go yom htum hkying hkum 6-5 n lu yup yang go si wa na madang tso nga ai.

  Hkrit hpa lahkong: Manap shat n sha ai ni

  Manap shat n sha yang go shatkan hkri wa na hpe jahten hkra nna, shagri ntsin ni lui pru wa, shagri ko nlung rong wa re shatkan ana ni machyi wa nga ai.

  Janmani Ailanggin dakasu jong na sumru sara ni madun ai, manap shat n sha man ai masha ni go asak 2.5 ning gadun wa nga ai.

  Hkrit hpa masum: Tsa lu dinglai

  Tsa lu yang go sinwop hpe grai jahten hkra nga ai. Shing rai lani mi tsa gom mi lu shalai yang sinwop ginsa ana hte grau nyi wa nna, si htum mat wa na hte mung ntsan mat sai.

  Hkrit hpa mali: Aten na na malut lu ai ni

  Malut ko go lo htam ai huashowu ji (化学物质) rong nga ai, dai ko na amyu 60 jan go ginsa ana hte seng nga ai. Lama na mayu na masha ni ko sinwop ana lu na madang go 1 rai yang, malut lu dinglai ai masha ni ko go ginsa ana byin wa na madang mayu na masha hte htam 17 lo jat nga ai.

  Ameriga ginsa ana hpung ko na sumru masha madun ai, 2011 ning hta sak 35 ning lahta de na ni go ginsa ana amyu 12 machyi na si mat ai masha sen 34.6 du nga ai, dai hta 48.5% masha si mat ai manhkang go malut lu ai majo re. Shing rai asak galu hkra nga mayu na rai yang go malut n lu ga.

  Hkrit hpa manga: Aten na na dung nga ai ni

  Aten na na dung nna n shamu shamot ai masha ni go, sai lam gahkrang lanyen wa nna, sai ntsom wa, ana amyu myu ni ok wa chye nga ai. Bai nna sumru yu ai hta mu yang, rung hkan magam bungli galo ai masha ni go pu ginsa ana byin ai madang hkaimu bungli galo ai hte hkumhkrang shaman ai masha ni hta grau tso nga ai.

  Dai majo ten lu ai shaloi go hkum- hkrang shamu shamot lam lo lo galo nna, ana gaba ok wa na hpe koi yen kau ga.

  Hkrit hpa kru: Hkumhkrang hpum dinglai ai ni

  Ameriga《Singelan hkumhpa laika》hta ndau madun ai, hpum dinglai ai masha go ginsa ana myu 13 machyi loi nga ai, shat kan ginsa ana, sin ginsa ana, shagri ginsa ana, yisen ginsa ana re ni chye ok wa nga ai.

  Shing rai tinang a hkumhkrang hpum dinglai wa nna, lusha lam hta n sadi jang go, hkamja lam hte sak galu lam hta akyu n rong nga ai.

  Hkrit hpa sanit: Nmai sha ai lusha majoi n sha ga

  Mungkan ntsa shinggyim masha go lu sha hte ndi nhka rai nga ai, rai yang masha nkau go mu hpa lusha chyam hkra tam sha ai nga nna, lamu ganghkau ntsa hta pyen ai, ginding ga nai ko hkom ai yong ma yong hpe chyam hkra sha mayu nga ai. Rai yang lu sha sha yang mung loi sadi maja na sha ra ai, dai rai yang she hkamja lam hta akyu rong nga ai.