Hpungtang hpaji ginra景颇科普

Nhpa hpe go maka kap ai bo hkinru nga ai re kun?

什么是织纹螺?

时间:2020-07-22 16:03:05 来源:德宏团结报

  Maka kap ai bo hkinru hpe go haisilo(海丝螺), belo(白螺) mung nga ma ai, ndai bo hkinru lo malo go Jekyang, Fugyen, Kongdung re panglai shara hkan lo nga ai.

  Mayu na hkinru hte shabung dat yang, maka kap ai bo hkinru na kop go loi gaji nna, galu de go li-mi 1, gaba de go li-mi 0.5, lamyin zon rai nna, nsam go loi chyang chyang rai nga ai.

  Maka kap ai bo hkinru go amyu 10 jan nga ai re, yong go hkinru raitim nbung ai ntuk ni rong nga ai.

  Maka kap ai bo hkinru ko na ntuk go gara daram laja ai kun?

  Atsom tsun ga nga yang, maka kap a bo hkinru go ntuk nrong ya ai, raitim shi go yat mat sai dusat dumyem ni sha ai majo,panglai ko na maka kap ai hkinru go ntuk rong ai Kumhpya, Nga, Hkatsu chyayat re ni hpe sha nna, ntuk hpe hkum gata ko ma- zing da chye nga ai.

  Maka kap ai hkinru na shan ko ma- zing da ai ntuk go grai laja ai, shing rai maka kap ai hkinru shan loi mi sha hkrup tim chye na wa nna si wa nga ai, nau n laja dinglai ai ni go bo sin, madon, lago lata ni hpam wa re kumla ni byin wa nga ai.

  Shing rai, 2012 ning shata 7 nhtoi 20 ya shani, sanseng rung dap ni ndau shabra ai, maka kap ai bo hkinru go n mai dut sha n mai sha ai nga ma ai.

  N mai dut n mai sha ai nga tim, masha nkau ni go shanang sha ai majo na si mat ai manghkang ni mung grai byin pru sai.

  N mai sha ai hkin ru gara bo no nga ai kun?

  Rai yang maka kap ai bo hkinru hta lai nna, gara bo hkin ru go no n mai sha ai kun?

  Nmai sha ai bo hkinru go grai no lo ai.

  Ga shadon fushulo (福寿螺), ndai bo hkinru ko go lo htam ai shingtai ni rong nna, sha hkrup jang gon-yensen shingtai (管圆线) ana ni byin wa nna, bo machyi, madon, song ai ni go bonu ni hten wa chye ai.

  Bai nna go huagonlo(花冠螺), fanggelo (方格螺) ni yong n mai sha ai.

  Dai majo hkin ru sha mayu jang go, dingyang hkinru dut ai shara hkan na she mai mari sha ai, shadu sha ai shaloi hkut hkut rai shadu na she mai sha nga ai.